KINOBAḺIAN 2:12 - Alkitab Singog In Mongondow Masa In Tanaa

¹² Kon tua oyúon in buḷawan inta mopia bo taḷong mobondu inta mosaged mouḻí kon tampat ibanea takin doman batu mita permata.

KINOBAḺIAN 2:12 Referans Kwoze

YEHEZKIEL 28:13

Pogogutunanmu in kon Eden, taman i Allah. Pakeangmu iḷambáan in noyagi-yagimai in permata: batu delima bo intan, topas, batu pirus, batu yakut, ratna, cempaka, batu nilam, zamrud bo batu alkali nopura. Ḷambá buḷawanmu in mobayong doman. Pakakat mita tatua in pinomia kon inimu kon singgai iko binaḻí.

AYUB 28:16

Buḷawan bo permata inta totok in momahaḷ diábí mokotongkai kon boḻinea.

PINOGIAPAN 11:7

Manna tua in naonda bo batoḷ mita inta mointok, batangannea in nobudó noḻin dara-darag.

IḶUAIAN 28:20

Kon pipid noginggopat in batu pirus, yakut bo ratna cempaka. Batu permata mopuḷú bo doyowa tatua musti togoton in buḷawan.

IḶUAIAN 39:13

Kon pipid noginggopat in batu pirus, yakut, bo ratna cempaka. Batu permata mopuḷú bodoyowá tatua sinogot in buḷawan.

KINOBAḺIAN 2:11

Inta muna tangoinea in Pison; tubig tatua in moiḻig noḻibu kon butá in Hawila.

KINOBAḺIAN 2:13

Tubig nogindua tangoinea in Gihon; tubignea in moiḻig noiḻibu kon butá in Kus.

IḶUAIAN 25:7

noyagi-yagimai in batu permata inta pokompit kon epod bo oḻingoi in dodob i Imang Moḷoben.