KINOBAḺIAN 19:38 - Alkitab Singog In Mongondow Masa In Tanaa

³⁸ Adí induanea nopononggadí doman in adí ḷoḷaki inta sinangoiannea ki Ben-Ami. Sia in nobaḻí mogoguyang in bangusa Amon inta masai naa.

KINOBAḺIAN 19:38 Referans Kwoze

ULANGAN 2:19

Dá moiko in nodapot kon diug in butá intau in Amon, buí i Lot. Dika monuyayow ande monubu kon i monia, sin diábí topiḻikmai in butá inta ain inogoi-Ku kon i monia in ogoi-Ku kon inimu.’ ” (

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”

YESAYA 11:14

Mosia in moyotakin bidon in monubu kon intau in Pilistin kon toyopan bo mogagow kon bangusa mita kon pomukaan. Mosia in monaḷowbí kon bangusa in Edom bo Moab, bo bangusa in Amon in tumungkudbí kon i monia.

HAKIM MITA 10:6

Umat in Israel buidon nomia kon dosa kon i Tuhan. Mosia in diádon noindoimai kon i Tuhan bo doí domandon nosumba kon i Tuhan. Mosia in nosumbadon kon dewa mita i Baal bo Asytoret, bo dewa doman in bangusa in Siria, Sidon, Moab, Amon bo Pilistin.

ULANGAN 23:3

Intau in Amon bo Moab takin bui mita monia modapot in buí noginpuḷú diábí motaau in poyoiapon umat i Tuhan,

ULANGAN 2:9

Ki Tuhan noguman kon inakó, ‘Intau in Moab, buí i Lot, diábí motaau in tuyayowon monimu. Dika doman monubu kon i monia. Butá in Ar inogoi-Kudon kon i monia bo diábí topiḻikmai in butá monia in ogoi-Ku kon inimu.’ ” (

KINOBAḺIAN 20:1

Ki Abraham nomamping nongkon Mamre minayá kon dotá in toḷatan butá in Kanaan, bo nogutun kon sigad in Kades bo Syur. Diá noonggot noiduduimai kon tua, naonda in sia nogutun kon Gerar,

SAMUEL 1 14:47

Naonda in ki Saul nobaḻí datu in Israel, sia in noparang kon bayongan tampat noḷawang kon bayongan musung in Israel, tuata in intau in Moab, intau in Amon, bo intau in Edom, datu mita in butá in Zoba, bo intau in Pilistin. Kon ondaka in poparangannea, umuran in sia mokountung.

MAZMUR 83:9

Asyur in dinumugang domandon kon i monia, nobaḻí intau inta pinirisaya in buí i Lot.

ZEPANYA 2:8

Ki Tuhan Inta Totok in mokawasa in noguman, “Dinongog-Kudon in bangusa mita in Moab bo Amon noningkuḻe bo nongempeng kon umat-Ku. Mosia in umambungangaḷ kon mogagow kon butá in umat-Ku.