KINOBAḺIAN 19:32 - Alkitab Singog In Mongondow Masa In Tanaa

³² Koḻigai bá poinumon naton in anggur ki amá dapot in moḷoḷangu, bodongka kita mosiug takinnea sinbá kita mokouḻípa kon adí.”

KINOBAḺIAN 19:32 Referans Kwoze

KINOBAḺIAN 11:3

Mosia in nosigumanan tobatú bo tobatú, nanaa: “Igai, kita in mogaid kon tela bo tubáan naton dapot in motogat.” Natuata in mosia nogaid kon tela inta motaau pakéon kon bangunan, bo aspal in pakéon monia pongompit.

MARKUS 12:19

Mosia in noḻibó kon i Yesus, “Pak Guru, ki Musa in nomais kon hukum tanaa kon inaton: ‘Aka tobatú ḷoḷaki matoi bo diápa kogadí, dá ki utatnea mustibí mobuḷoi kon i baḷunea, sinbá mobogoi in buí kon inia inta ai minatoi tua.’

KINOBAḺIAN 9:21

Naonda in ki Nuh nonginum kon anggurnea, sia in noḷoḷangu. Iḷongkutnea in bayongan pakeangnea bo nosiug in sia nomilang kon bonu in ḷoḷaigannea.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

KINOBAḺIAN 19:33

Kon doḷom tua pinoinum monia in anggur in ki amá monia, bo adí guya-guyang in nosiug takin i amánea; táe ki amánea totokdon in noḷoḷangu nodapot in diádon kinotaauannea onu in nobaḻí doḷom tua.