KINOBAḺIAN 17:20 - Alkitab Singog In Mongondow Masa In Tanaa

²⁰ Táe duduian-Ku doman in oigummu soaḷ ki Ismael. Tuamai sia in barakatan-Ku bo ogoian-Ku in buí inta mobarong. Sia in mobaḻíbí doman mogoguyang in mopoḷú bodoyowá doman itoi in suku, bo buínea in baḻíon-Ku doman tobatú bangusa inta moḷoben.

KINOBAḺIAN 17:20 Referans Kwoze

KINOBAḺIAN 21:18

Bayádon kon diug i adímu, buatdon bo dondouḷugaidon in sia. Baḻíon-Ku in buínea bangusa tobatú inta moḷoben.”

KINOBAḺIAN 21:13

Ná doman tua ki adí i Hagar in ogoian-Kubí in adí bo ompu sinbá mosia mobaḻí doman bangusa tobatú inta moḷoben. Sin sia in ki adímu doman.”

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

KINOBAḺIAN 12:2

Akuoi in mobogoi kon inimu in buí inta mobarong bo mosia in mobaḻí bangusa inta moḷoben. Iko in barakatan-Ku, bo baḻíon-Ku in tangoimu ponango-nangoian in bayongan intau kon dunia naa, sahingga iko in mobaḻí barakat.