KINOBAḺIAN 17:1 - Alkitab Singog In Mongondow Masa In Tanaa

¹ Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 17:1 Referans Kwoze

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

KINOBAḺIAN 6:9

Naadon in ouman soaḷ ki Nuh. Sia in kogadí kon ḷoḷaki taya toḷu, tangoi monia ki Sem, ki Yapet bo ki Ham. Ki Nuh in diá nogaid kon onu inta noitaḷá, bo tongádon sia in intau mopia kon tungkuḷ intua. Sia in nobiag modagin kon i Allah.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

MAZMUR 116:9

Dá akuoi in nobiagdon kon dunia naa, kon bonu in kawasa i Tuhan.

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

YESAYA 38:3

“Tuhan, toropdon kon akuoi in nogundoidon kon ini-Mu takin motoindudui bo motuḻid in gina. Akuoi in umuran moḷongasi dumudui kon ibog-Mu.” Bo ki Hizkia in nongombaḷ totok.

AYUB 1:1

Kon butá in Us nogutun in ḷoḷaki tobatú tangoinea in ki Ayub. Sia in nosumba kon i Allah bo mosatia kon i-Nia. Sia in intau inta mopia in gina bo diábí nogaid kon onu inta moraat tongopiḻikmai.

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

ULANGAN 18:13

Dá pogundoidon in moiko kon i Tuhan Allahmu takin ḻimbatú in ginamu.”

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

DATU MITA IMITÁNEA 3:6

Ki Salomo in notubag, “Tuhan, pinoontong-Mudon kon motabibí totok in Iko kon i amáku ki Daud, mogogundoi-Mu tua. Mopia in sia, motuḻid in gina bo mosatia kon ini-Mu. Bo inta nobaḻí tomponuot kon totabi-Mu in mononoi kon inia, dá inogoi-Mudon kon inia in adí ḷoḷaki inta tanaa nomarenta nonoḻiu kon inia.

MIKHA 6:8

Diá! Ki Tuhan in noponiatadon kon i naton onu inta mopia. Igum-Nea kon i naton in tongábí mopoaid in inta moadil, umuran moponiata in totabian, bo takin ompá in gina mobiag motobatú takin i Allah naton.

KINOBAḺIAN 35:11

Bo ki Allah in noguman doman, “Akuoibí naa in ki Allah Inta Totok in Mokawasa. Pononggadí bo pononggompudon inta kobarongon! Nongkon inimu momukádon in bangusa mita bo mobaḻí mogoguyang in datu mita.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

IBRANI 12:28

Tuamai, kita in musti umuran mopoyaput in sukur kon i Allah, sin kita in motarima kon tobatú dodatuan inta diá modandú nongkon i-Nia. Kita in musti mopoyaput in sukur bo moibada kon i Allah takin mohoromat bo moondok, podudui in onu inta kinoibog-Nea tontaní.

OUMAN IN RASUL MITA 24:16

Tuamai akuoi in umuran moramuji totok sinbá ginaku in umuran modarit kon tayowon i Allah bo kon tayowon in intau.

KINOBAḺIAN 48:15

Nopaḷut mako kon tua binarakatannea in ki Yusup, gumannea, “Ki Allah, Sia tuata in ki Tuhan, inta sinumba i Abraham bo i Ishak, Sia tuata inta nokapit kon inakó dapot in tanaa mako;

KINOBAḺIAN 12:1

Ki Tuhan noguman kon i Abram, “Taḷaaidon in butámu, ginaḷummu bo baḷoi i amámu, bo bayádon kon butá inta bain tundúon-Ku kon inimu.

KINOBAḺIAN 5:24

Pinopisí in ki Henokh umuran nobiag modagin kon i Allah, dá diádon in sia kon dunia naa sin diniadon i Allah.

OUMAN IN RASUL MITA 23:1

Ki Paulus inimindoipa magí mako kon anggota in Mahkama Agama inta kon tua bodongka sia in nosingog, “Utatku mita! Umaaibí in singgai naa rasaanku kon akuoi in diábí kotaḷá kon i Allah. Ginaku in motuḻidbí totok kon tayowon i Allah.”

MAZMUR 115:3

Ki Allah naton in kon soroga, Sia in mogaid kon onu in kinoibog-Nea.

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

PINOGIAPAN 11:23

Tubag i Tuhan, “Diábí in moiḻiu kon kawasa-Ku! Ḷagi bidon ontongonmu kon onu inta siningog-Ku tua in totu-totuubí kon mobaḻí andeka diá!”

IḶUAIAN 6:3

Akuoi nomia doman kon dodandian takin i monia. Akuoi nodandi kon Akuoi in mobogoi kon butá in Kanaan kon i monia, butá tampat kinobiagan monia nobaḻí intau ango-angoi.

KINOBAḺIAN 18:1

Ki Tuhan nokipogontong kon i Abraham kon diug in pangkoi kayu mita mokaramat inta tampat pososumbaan kon Mamre. Tungkuḷ intua singgai totok in mopatú, bo ki Abraham ḻimitú mako kon ngara in ḷoḷaigannea.

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

DATU MITA IMITÁNEA 8:25

Iko in nodandi domandon kon i amáku kon aka buínea totu-totuu motoindudui kon ini-Mu ná sia, dá umuranbí oyúon in intau tobatú nongkon buínea in mobaḻí datu kon Israel. Tanaa, o Tuhan Allah in Israel, intompodaidon komintan in bayongan inta ain pinodandi-Mu kon i amáku ki Daud, mogogundoi-Mu tua.

KINOBAḺIAN 16:16

Kon dodai intua ki Abram umurdon waḷu nopuḷú bo onom notaong.

KINOBAḺIAN 5:22

Onda intua ki Henokh in nobiag notobatú takin i Allah kon bonu in toḷu nogatut notaong. Sia in nokouḻí kon adí ḷoḷaki mita ibanea

KINOBAḺIAN 24:40

Tubagnea, ‘Ki Tuhan inta umuran duduianku, in mopotabábí in malaekat-Nea sin motuḷung kon inimu sinbá onu inta pinoki aidku kon inimu kodapotanpa doman. Iko in mokodungkuḷbí kon bobay inta pobuḷoion i adíku nongkon sigad in ginaḷumku inta nongkon buí i amáku.

KINOBAḺIAN 26:2

Soaḷ tatua inaidannea sin ki Tuhan aindon nokipogontong kon inia bo noguman, “Dika mayá in Mesir; pogutundon kon butá tanaa, ná inta ain pinoguman-Ku kon inimu.

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

KINOBAḺIAN 48:3

Ki Yakub in noguman kon i Yusup, “Ki Allah Inta Totok in mokawasa ain nokipogontong kon inakó kon Lus, kon butá in Kanaan, bo ain nomarakat kon inakó.”

PINOGIAPAN 24:16

inta ain nokodongog kon tosingogon mita i Allah, bo inta notaau monotaau kon i Inta Totok in Moḷantud inta pinoki pogontongan i Inta Totok Mokawasa kouḻi-uḻid tongá kobuka-buká in mata.

AMSAL 10:9

Intau motuḻid, moaman in kobiagannea; intau inta monguboḷ in kotaauanbí.