KINOBAḺIAN 16:8 - Alkitab Singog In Mongondow Masa In Tanaa

⁸ Malaekat tatua in noguman, “Hagar, bobantung i Sarai, nongkon onda in iko bo mopobayá in onda?” Tubag i Hagar, “Akuoi in noḷagui kon i Sarai ki Tuangku.”

KINOBAḺIAN 16:8 Referans Kwoze

KINOBAḺIAN 3:9

Táe ki Tuhan nogoiní kon ḷoḷaki tatua, “Kon onda in iko?”

KINOBAḺIAN 4:10

Bo ki Tuhan in noguman, “Nongonu sin iko in nogaidbí kon soaḷ inta mokoondok natua? Dugú i ai-aimu in nokuani kon Inakó nongkon butá, naonda bo singog inta nomaḷú mokituḻí.

MOHOHUTUBA 10:4

Aka iko bo torúan in pongawasa, dikabí mopoigum kon mogogai in mogaid. Umpakabí moḷoben in taḷámu, ampunganbí in iko aka moonow bo mosabar.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.

KINOBAḺIAN 16:4

Ki Abram in nosiugdon takin i Hagar, bo nobaḻídon sidia in bobay tatua. Táe naonda in kinotaauan i Hagar kon sia in sidiadon, sia in mokaḷakuangdon bo moningkuḻemaidon kon i Sarai.

KINOBAḺIAN 16:1

Ki Sarai, ki buḷoi Abram tatua, diápa doman nokouḻí kon adí. Táe sia in kobobantung tobatú inta mongodeaga in Mesir tangoinea in ki Hagar.

KINOBAḺIAN 16:9

Malaekat tatua in noguman, “Buidon bayá kon inia bo pobantungdon kon inia.”

DATU MITA IMITÁNEA 19:9

Kon tua in ki Elia nosiug in doḷom tua kon angob. Bo ki Tuhan in noguman kon inia, “Elia, onu in aidanmu kon naa?”

DATU MITA IMITÁNEA 19:13

Naonda in kinodongogan i Elia in singog tatua, inoḻingoiannea in jubah in pogotnea, bo iḻumuai bo sinimindog kon bibig in angob tatua. Dá kinodongogandon in tosingogon noguman, “Elia, onu in aidanmu kon naa?”

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

HAKIM MITA 19:17

Naonda in guranga tatua nokoontong kon intau mita in Lewi tatua kon ḷoḻitúan tatua, sia noḻibó, “Nongkon onda in ki utat, bo mayá in onda?”

DATU MITA 2 5:25

bo sinumuotdon bui in sia kon baḷoi. Ki Elisa in noḻibó, “Nongkon onda in iko?” “Diábí minaya-mayá mako in onda, Tuang” tubagnea.