KINOBAḺIAN 16:2 - Alkitab Singog In Mongondow Masa In Tanaa

² Ki Sarai in noguman kon i Abram, “Akuoi naa in diádon ogoi Tuhan mononggadí. Tuamai, maníka iko in mosiugdon moyotakin in bobantungku tanaa, sin degá sia motaaupa mopononggadí in adí inta baḻíon ki adíku.” Dá dinuduian i Abram in singog i Sarai tatua.

KINOBAḺIAN 16:2 Referans Kwoze

IḶUAIAN 21:4

Aka ki tuangnea in nopotonibuḷoi kon inia takin bobay tobatú, bo nokouḻí kon adí in sia, dá ki buḷoi bo ki adínea tatua in nobaḻíbí ki adí i tuangnea, bo diábí motaau tumakin kon ata tatua kon dodai in sia iḷuatandon kon oaidannea.

KINOBAḺIAN 18:10

Tobatú inta kon sigad nayatoḷu tua in noguman, “Siowpa nobuḷan Akuoi in momangoi bui. Bo kon dodai intua ki Sara ki buḷoimu in kogadídon kon adí ḷoḷaki.” Kon dodai intua ki Sara nokidongog mako nongkon ḷoḻingkop in ḷoḷaigan, inta kon tumimai in mokokiangoi mita tatua.

KINOBAḺIAN 3:17

Bo ki Tuhan in noguman kon ḷoḷaki tatua, “Iko ain nokidongog kon tosingogon i buḷoimu bo nokaan kon bungai in kayu inta diá inogoi-Ku kaanonmu. Pinopisí in oaidmu tatua, dá kinutukdon in butá. Iko in musti mokoporajing in mogaid kon bonu in kobiaganmu sinbá butá mobogoipa in boyó inta tugat pakéon monimu.

MAZMUR 127:3

Adí mita in ki Allahbí in nobogoi, totuubí kon mosia tua in totabibí.

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.

KINOBAḺIAN 30:22

Bo kinotoropandon i Allah in ki Rahel; ki Allah in notubagdon kon sambayangnea bo inogoi-Neadon sia nononggadí.

KINOBAḺIAN 25:21

Popisí in ki Ribka diá nokouḻí kon adí, dá ki Ishak nosambayang kon i Tuhan sin motuḷung kon i buḷoinea. Bo inindongogandon i Tuhan in sambayang i Ishak, nodapot in ki Ribka sidiadon.

KINOBAḺIAN 17:16

Barakatan-Ku in sia bo sia in mopononggadí in adí ḷoḷaki tobatú inta ogoi-Ku kon inimu. Totuu, Akuoi in momarakatbí kon i Sara, bo sia in mobaḻí mogoguyang bobay in bangusa mita. Kon sigad in buínea oyúon in mobaḻí datu mita.”

KINOBAḺIAN 3:12

Ḷoḷaki tatua in notubag, “Bobay inta inogoi-Mu sin motuḷung, sia tua in nobogoi kon inakó in bungai in kayu tatua, bo kinaanku domandon.”

KINOBAḺIAN 30:6

Ki Rahel noguman, “Ki Allah ain nobogoi in koadilan kon inakó. Inindogogan-Neadon in sambayangku bo inogoian-Neadon akuoi in adí ḷoḷaki tobatú.” Bo sinangoianneadon in adí tatua ki Dan.

KINOBAḺIAN 19:31

Ki adínea bobay inta guya-guyang noguman kon i ai-ainea, “Ki amá aindon nogurang, bo bayongan ḻipú tanaa diádon in ḷoḷaki inta motaau motonibuḷoi naton sinbá kita mokouḻípa kon adí.

KINOBAḺIAN 11:30

Táe ki Sarai in bantó.