KINOBAḺIAN 15:9 - Alkitab Singog In Mongondow Masa In Tanaa

⁹ Tubag i Tuhan, “Pogamáaidon in Akuoi kon sapi kobaayan tobatú, bembé kobaayan tobatú, bo domba koḷakian tobatú, tua mita in komintandon umur toḷu notaong, bo ḷagapan doman tarangkuku tobatú bo ḷagapan paḷoma tobatú.”

KINOBAḺIAN 15:9 Referans Kwoze

LUKAS 2:24

Mosia in makusud doman mobogoi in ḷagapan tarangkuku topar andeka paḷoma doyowa inta nongoguodpa mobaḻí kuruban ná inta ain sinantú kon Hukum i Tuhan.

IMAMAT 14:30

Onda intua ki imang musti moposumba in ḷagapan paḷoma tobatú inta moḻineapa ande moḻi in tarangkuku

IMAMAT 14:22

Sia musti doman modia kon ḷagapan paḷoma doyowa inta moḻinea ande moḻi in tarangkuku: tobatú in baḻíon kuruban potobut kon dosa bo inta tobatú doman in baḻíon kuruban tubáan.

IMAMAT 9:2

Guman i Musa kon i Harun, “Pogamádon kon sapi koḷakian batánea tobatú bo domba koḷakian tobatú, tumpaḷa mongopia. Posumbadon in mahaḷuk doyowa tatua kon i Tuhan, sapi koḷakian in posumba mobaḻí kuruban potobut kon dosa, bo domba koḷakian in kuruban tubáan.

IMAMAT 3:6

Aka inta pinosumba nobaḻí kuruban dodamean tua bo domba tobatú ande bembé, dá motaaubí in koḷakian ande kobaayan, táe inta totok in mopia.

IMAMAT 3:1

Aka oyúon intau moposumba in sapi koḷakian tobatú sin pomiaan kuruban dodamean, dá sapi tatua motaaubí in koḷakian bo motaau doman in kobaayan, táe musti inta mopia totok.

IMAMAT 1:14

Aka inta pinosumba tatua bo ḷagapan tobatú, dá musti ḷagapan tarangkuku ande ḷagapan paḷoma inta moḻineapa.

YESAYA 15:5

Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito.

MAZMUR 50:5

Guman-Nea, “Sipundon in bayongan in umat-Ku inta ain nomia kon dodandian takin-Ku, bo sinoimpaḷut in kuruban inta iratá.”

IMAMAT 12:8

Aka bobay tatua diá mokopooyúon kon ki adí in domba tobatú, dá sia in mustidon modia kon ḷagapan paḷoma doyowa inta noguodpa ande ḷagapan tarangkuku inta moḻineapa doman: tobatú in aidan kuruban tubáan bo inta tobatú in aidan kuruban potobut kon dosa. Imang musti mogaid kon upacara pondaritan kon inta monajis kon bobay tatua, dá bobay tatua in modaritdon.

IMAMAT 9:4

Potabá in mosia moposumba doman in sapi koḷakian tobatú bo bembé koḷakian tobatú mobaḻí kuruban dodamean. Tua komintan in musti posumba monia kon i Tuhan poyotakinon in kuruban oḷudon inta pakéan in ḷana, sin kon singgai naa ki Tuhan mamangoi kon i monia.”

IMAMAT 1:10

Aka inta pinosumba tatua bo domba tobatú ande bembé, dá biag tatua musti koḷakian bo inta totok in mopia.

IMAMAT 1:3

Aka inta pinosumbanea tua bo sapi tobatú, dá biag tatua in musti koḷakian bo inta mopia totok. Sapi tatua musti diaannea pobayá in ngara in Ḷoḷaigan i Tuhan, sinbá koibog i Tuhan in intau tatua.

KINOBAḺIAN 22:13

Bo ki Abraham nobobui bo nokoontong kon domba koḷakian tobatú kon tumineamai, Tungoi in domba tatua noikarit kon singsing mita. Ki Abraham minayá nogamá kon domba tatua bo dongka pinosumbanea kon i Tuhan saḷaku kuruban sinubá nobaḻí toḻiu i adínea.

KINOBAḺIAN 15:8

Táe ki Abram in noḻibó, “O, Tuhan Inta Totok in Moḷantud, naondabí in kototaauku kon butá tatua in mobaḻí kapunyaanku?”

KINOBAḺIAN 15:10

Bo ki Abram nogamá kon mahaḷuk mita tatua bo pinokuruban kon i Allah. Sapi, bembé bo domba tatua komintan iḷosinea doyowa, bo kinatadnea doyowa bo pinoyogintayow. Táe ḷagapan mita tatua in diábí iḷosinea.

IMAMAT 12:6

Naonda in wakutu pondaritan mopaḷutdon, pinomayá in sia nopononggadí in adí ḷoḷaki ande adí bobay, bobay tatua musti modia kon sosumbanea kon i imang kon tayowon ngara in Ḷoḷaigan i Tuhan. Sosumba tatua in ná batangan ki adí in domba tobatú inta umurdon totaong sin pomiaan kuruban inta tubáan, bo togapang doman in ḷagapan paḷoma inta baḻíon kuruban potobut kon dosa.

DONDONG MOḶANTUD 2:12

Kon gobá bungang mita nongomusirdon; sempo in morapad noiangoidon; singog in tarangkuku kinodongogan kon butá naton.