KINOBAḺIAN 14:24 - Alkitab Singog In Mongondow Masa In Tanaa

²⁴ Akuoi in doíbí mogamá kon onu bo onu sin pakéonku tontaní. Akuoi in tongábí motarima kon onu inta ain pinaké in intauku mita. Táe pomayádon mako in yobayatku mita inta notobatú takinku tua, inta ki Aner, ki Eskol bo ki Mamre, mogamá kon silai monia.”

KINOBAḺIAN 14:24 Referans Kwoze

MATIUS 7:12

Onu inta koibog monimu popoaid in intau kon i monimu yo popoaid domandon kon i monia intua. Tuadon bonu in bayongan atorang i Musa bo inta pinais kon buk in nabi mita.

AMSAL 3:27

Aka oyúon in komampuanmu mopoaid in inta mopia kon intau inta moparaḷu kon kopiaanmu, yo dikabí pondamonmu in mogaid kon tua.

KINOBAḺIAN 14:13

Táe intau tobatú inta nokoḷagui minayá nopotaau in bayongan inta nobaḻí tatua kon i Abram, intau Ibrani tatua. Ki Abram in nogutun kon diug in pangkoi mita in kayu karamat tampat pososumbaan kapunyaan i Mamre, intau in Amori. Ki Mamre bo ki utatnea mita, inta ki Eskol bo ki Aner in yobayat mita i Abram inta notobatúnea doman.

TIMOTIUS 1 5:18

Sin kon bonu in buk motusi in pinaisdon nanaa, “Sapi inta koyogot in moritak kon gandum sinbá moripúdon in batoḷ in gandum nongkon simpungoinea, donaaibí pomponan in bibignea.” Bo pinais doman nanaa, “Intau inta mogaid in patusbí motarima kon boḻi in pinogaidannea tatua”.

TAWARIKH 1 10:12

intau mita inta totok in mongobarani kon sigad monia in minayá nogamá kon mayat i Saul bo i adínea mita ḷoḷaki bo dinia monia kon Yabesh. Iḷobong monia in tuḷannea mita kon siungon in pangkoi in kayu moḷoben onda intua mosia nopuasa pitu nosinggai in koonggotnea.