KINOBAḺIAN 13:8 - Alkitab Singog In Mongondow Masa In Tanaa

⁸ Ki Abram in noguman kon i Lot, “Kitada naa uḻe in doyowa motoḷuadí, dá diá mopia aka intau natonda bo morogenggeng.

KINOBAḺIAN 13:8 Referans Kwoze

OUMAN IN RASUL MITA 7:26

Nopoikoḷomai kon singgai sia in nokoontong doman kon intau in Israel doyowa noropatoi, táe sinongginaannea, kainia, ‘Moiko nion in ginaḷumbí, yo nongonu sin moropatoibí?’

MAZMUR 133:1

Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

PETRUS 2 1:7

Bo aka mobiag podudui in ibog i Allah yo musti intompodan in tabi kon i utat mita inta tumpaḷa mopirisaya kon i Allah bo tabi doman kon bayongan intau.

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

SURAT I PAULUS KON JAMAAT RUM 12:10

Utat mita, moiko in musti umuran mototabian tobatú bo tobatú naonda bo mogutat motoḷuadí kon tombonu in baḷoi, bo mosiunaan mohoromat.

AMSAL 20:3

Tongábí intau bodok inta moibog morogenggeng; aid inta dayowon in yumayúbí kon rogenggengan.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

KINOBAḺIAN 45:24

Onda intua ki utatnea mita inogoineadon minayá, takin koyow kon i monia, “Donaai mobobayowan in kon daḷan.”

YOHANES 1 4:7

Utat mita inta kinotabiku! Koḻigai bá kita in umuran mobiag mositabian tobatú bo tobatú, sin tabi tua in nongkon i Allahbí, bo intau inta kototabi kon tumpaḷa intau in ki adíbí mita i Allah bo nonotaau kon i Allah.

PETRUS 1 2:17

Horomatbí in bayongan intau, kotabibí in ki utatmu mita inta tumpaḷa Keresten. Koondok kon i Allah bo horomatbí in ki Kaisar.

PETRUS 1 1:22

Popisí in moiko bo umuran dinumudui kon onu inta sinundú i Allah, dá tabidon in nondarit kon i monimu sahingga in totu-totuudon in moiko motabi kon intau mita inta tumpaḷa mopirisaya kon i Kristus. Pogumanku bui, totu-totuudon positabian in moiko kon tobatú bo tobatú takin gina motuḻid.

IBRANI 13:1

Moiko in musti umuran mositabian saḷaku intau mita in Keresten inta mogutat.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

TESALONIKA 1 4:9

Diábí bain paisonpa bui nami kon i monimu in tabi monimu kon utat mita inta tumpaḷa mopirisaya kon i Kristus. Sinundú bidon i Allah in moiko kon musti mototabian.

PILIPI 2:14

Aidaibí in oaidan tatua takin pia in gina bo dika mosirogian andeka mobobayowan.

MATIUS 5:9

Pia in kamang in intau inta moibog in dodamean; sin mosia tua in tangoion ki adí mita i Allah!

AMSAL 15:18

Intau inta motoyong tumorú mokopomuká kon bobayowan, intau inta mosabar modia kon dodamean.

IḶUAIAN 2:13

Nopoikoḷomai kon singgai, ki Musa in minayá bui, bo nokoontong doman kon intau Ibrani doyowa inta koyogot moropatoi. Dá ki Musa in noḻibó kon intau inta kotaḷá tatua, “Nongonu sin iko momongkugbí kon yobayatmu?”

KINOBAḺIAN 13:9

Tuamai maníka kitada in moyotontanídon. Piḻídon kon dotá onda in butá inta koibogmu. Aka iko mopobayá ná koḷoigi dá akuoi in mopobayá ná koḷanan, aka iko mopobayá ná koḷanan dá akuoi mopobayá ná koḷoigi.”

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

KINOBAḺIAN 14:14

Naonda in kinodongogan i Abram kon pokuadíonnea tua kinodomokan, sinipunnea in bayongan intau inta kon bonu in ḷoḷaigannea, mosia inta mongopandoi moparang, kobayong monia tua in toḷu nogatut bo mopuḷú bowaḷu, bo dongka minayá nondudur kon datu taya opat tatua nodapot kon kotá in Dan.

HAKIM MITA 9:26

Kon tungkuḷ intua ki Gaal ki adí i Ebed aindon namangoi noyotakin i utatnea mita sin mogutun kon Sikhem; bo intau mita in Sikhem nopirisaya kon inia.