KINOBAḺIAN 13:4 - Alkitab Singog In Mongondow Masa In Tanaa

⁴ bo noposindog in mezbah. Kon tua sia in nosumba kon i Tuhan.

KINOBAḺIAN 13:4 Referans Kwoze

YEREMIA 29:12

Dá moiko in mokituḷungbí kon i-Nakó. Moiko in mamangoibí mosambayang kon i-Nakó, bo tubagan-Kubí in sambayangmu.

YESAYA 58:9

Aka moiko mosambayang, indongogan-Ku intua. Aka moiko mokuani kon i-Nakó, tubagan-Ku. Dikadon bui mondorot kon tumpaḷa intau, gogaiaidon in sosaturuan bo tapud.

ZEPANYA 3:9

Táe onda intua baḷuian-Ku in gina in bangusa mita tatua, dá mosia in dongkadon mosambayang kon i-Nakó, bo diá bidon kon ilah mita ibanea. Bangusa mita tatua in komintanbí dumudui kon i-Nakó.

MAZMUR 116:2

Inindongogan-Nea in akuoi, pomuḷoi in akuoi mokuani kon i-Nia.

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

MAZMUR 116:17

Akuoi in modiadon kon kuruban sukur kon ini-Mu, sindaḷan mopoyaput in sambayang kon ini-Mu.

MAZMUR 107:15

Patusbí in mosia mopoyaput in sukur kon i Tuhan popisí in tabi-Nea, popisí in mia-Nea mita inta mokotongaw kon intau.

MAZMUR 107:1

“Posukurdon kon i Tuhan sin Sia in mopia, tabi-Nea in mononoi totok.”

MAZMUR 84:10

Barakataipa kaasí in datu nami, o Allah, ḷukadaidon in intau inta ain piniḻí-Mu.

MAZMUR 107:8

Patusbí in mosia mosukur kon i Tuhan popisí in tabi-Nea, popisí in mia-Nea mita inta mokotongaw kon intau.

MAZMUR 26:8

Akuoi in moibog kon Baḷoi-Mu, o Tuhan, pinogutunan-Mu inta notangkup in kamuliaan.

KINOBAḺIAN 13:18

Onda intua ki Abram nomamping kon ḷoḷaigannea bodongka nogutun notantú kon diug in pangkoi in kayu mita karamat tampat pososumbaan kon Mamre kon diug in Hebron, bo kon tua sia in noposindog in Mezbah kon i Tuhan.

KINOBAḺIAN 4:26

Ki Set in kogadí kon adí ḷoḷaki inta sinangoian ki Enos. Kon tungkuḷ intuata intau nomangkoidon nonangoi kon tangoi Tuhan aka mosia in mosumba.

KINOBAḺIAN 26:25

Bo ki Ishak in noposindog in mezbah bo nosumba kon i Tuhan kon tampat tatua. Sia nomia kon ḷoḷaigan kon tua bo bobantungnea mita in nongaḻi kon parigí ibanea.