KINOBAḺIAN 12:1 - Alkitab Singog In Mongondow Masa In Tanaa

¹ Ki Tuhan noguman kon i Abram, “Taḷaaidon in butámu, ginaḷummu bo baḷoi i amámu, bo bayádon kon butá inta bain tundúon-Ku kon inimu.

KINOBAḺIAN 12:1 Referans Kwoze

IBRANI 11:8

Popisí in mopirisaya, dá ki Abraham in dinumudui kon i Allah wakutu inoiní i Allah bo pinotabá minayá in butá inta pinodandi i Allah ogoi kon inia. Ki Abraham in minayábí doman umpaka diápa kinotaauannea mongo kon onda in bayáan.

NEHEMIA 9:7

Ikobí in ki Allah, Tuhan inta Totobatú tua. Piniḻí-Mu in ki Abram kon yua-yuak in bangusanea. Ur kon Babel in sinaḷáanneadon, sin Iko tontaní inta nodia kon inia. Bo inogoian-Mu in tangoi inta mobagu in sia: ki Abraham, tua in pinonangoi kon inia pinangkoi kon tua.

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

KINOBAḺIAN 15:7

Onda intua ki Tuhan bui noguman kon inia, “Akuoi naa in ki Tuhan, inta ain nodia kon inimu iḻumuai nongkon butá in Ur kon Babilonia, sin mobogoi in butá tanaa kon inimu mobaḻí kapunyaanmu.”

YEHEZKIEL 33:24

“Ei intau ilo-ilow, intau mita inta nogutun kon apug in kotá mita kon butá in Israel tatua in noguman, ‘Ki Abraham in nokouḻí kon nobayong in butá, bokaka sia in tongábí sia-sia mita. Kita naa in nobayong, dá butá tanaa in nobaḻídon kapunyaan naton.’ ”

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

YESAYA 41:9

Iko in ginamá-Kudon nongkon popod mita in dunia, Inoiní-Ku nongkon tampat mita inta moyayú totok. Guman-Ku, ‘Iko in mogogundoi-Ku; Akuoi in diábí mondoí kon onu inta piniḻí-Ku.’

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!

KINOBAḺIAN 20:13

Dá tungkuḷ in ki Allah nopotabá kon inakó nonaḷámai kon baḷoi i amáku bo minaya-mayá mako kon butá mita inta diá kinotaauanku, akuoi in nogumandon kon i buḷoiku, ‘Poniatadon in kotoinduduimu kon inakó takin mopotaau kon bayongan intau kon akuoi naa in ki guya-guyangmubí.’ ”

KINOBAḺIAN 24:4

Iko in mustibí mayá bui kon tampat kinolahiranku sin motayak kon bobay pobuḷoionnea nongkon sigad in ginaḷumku.”

KINOBAḺIAN 26:2

Soaḷ tatua inaidannea sin ki Tuhan aindon nokipogontong kon inia bo noguman, “Dika mayá in Mesir; pogutundon kon butá tanaa, ná inta ain pinoguman-Ku kon inimu.

YESAYA 37:12

Kon tungkuḷ in mogoguyangku norimumud kon kotá in Gozan, Haran, Rezep, bo noḻimod kon intau mita in Eden inta nogutun kon Telasar, diá tobatúmai in nongkon dewa mita monia in noposaḷamat kon i monia.

KINOBAḺIAN 24:7

Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.

KINOBAḺIAN 24:38

táe mustibí nongkon sigad in ginaḷumku, buí i amáku. Dá koḻikatdon bayá in ḻipú tatua.’

PINOGIAPAN 10:30

Tubag i Hobab, “Sukur moantó, táe akuoi in moibogbí mobui kon ḻipúku tontaní.”