KINOBAḺIAN 10:25 - Alkitab Singog In Mongondow Masa In Tanaa

²⁵ Ki Eber kogadí kon adí ḷoḷaki doyowa; inta guya-guyang tangoinea in ki Peleg, sin kon zamannea bangusa mita kon dunia nosila-silai; inta induanea tangoinea in ki Yoktan.

KINOBAḺIAN 10:25 Referans Kwoze

TAWARIKH 1 1:19

Ki Eber in kogadí kon adí ḷoḷaki doyowa; inta guya-guyang tangoinea in ki Peleg sin kon wakutunea bangusa mita kon dunia naa in nosila-silai; inta nogindua tangoinea in ki Yoktan.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.

ULANGAN 32:8

Kon dodai in ki Inta Totok in Moḷantud nosilai kon butá, batúan bangusa sinantúdon in butánea takin ilah tobatú in nobaḻí pongawasa.

KINOBAḺIAN 10:32

Tua mita in buí i Nuh, bangusa bo bangusa podudui kon buínea-buínea. Mosia tuata inta pinomuían in bangusa mita kon dunia naa naonda in nopaḷut mako in ḷunud moḷoben tatua.

KINOBAḺIAN 10:21

Ki Sem, ki Guya-guyang i Yapet, in nobaḻí mogoguyang in bayongan in bangusa Ibrani.

KINOBAḺIAN 10:26

Buí i Yoktan in intau mita inta nogutun kon Almodad, Selep, Hazar-Mawet bo Yerah,

KINOBAḺIAN 10:5

Mosia tua in nobaḻí mogoguyang in bangusa mita inta nogutun kon bingkí mita in dagat bo inta kon ḻibuton mita. Tuata in bayongan buí i Yapet. Pomuḷoi in bangusa bo suku in nogutun kon butá monia tontaní, bo mosia komintanbí oyúon in bahasa tontaní.

AYUB 15:19

Tungkuḷ intua diá in intau ango-angoi kon ḻipú monia; diá in nopoḷangkam kon i monia nongkon i Allah.