KINOBAḺIAN 1:3 - Alkitab Singog In Mongondow Masa In Tanaa

³ Ki Allah in noguman, “Kobaḻí in bayag!” Bo nobaḻí domandon in bayag.

KINOBAḺIAN 1:3 Referans Kwoze

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

YOHANES 1:5

Bayag tatua in nonindar kon sindip, bo Sia in diábí kokawasaan in sindip tatua.

YESAYA 45:7

Akuoibí in nomia kon bayag bo sindip, Akuoi in mopoangoi in barakat bo bodito. Akuoi in ki Tuhan inta nogaid kon tua mita.

YESAYA 60:19

Iko in diábí paraḷu sindaran mata in singgai kon dodai in singgai, bo diábí paraḷu simbayagan in buḷan kon dodai in doḷom. Sin Akuoi ki Tuhan in nobaḻí mononimbayag mononoi kon inimu, Akuoi in monindar kon inimu pongin kamuliaan-Ku.

YOHANES 1 1:5

Naadon in habar inta ain dinongog nami nongkon i Adí-Nea bo inta poyaput nami kon i monimu: Ki Allah tua in bayagbí, bo kon i-Nia diábí in sindip topiḻikpamai.

EPESUS 5:8

Moikopa tontaní koḻipod in mobiag doman kon sindip. Táe tanaa moiko in nobaḻídon umat i Tuhan, mangaḻenea kon tua, moiko in kon bonudon in bayag. Tuamai moiko in mustidon mobiag kon bonu in bayag.

YOHANES 1:9

Bayag totokanea inta monimbayag kon bayongan in intau, mamangoi in dunia.

YOHANES 3:19

Naa in mobaḻí dodoyonan ponuntutan kon inia: Bayag ain namangoi in dunia naa, táe sindipbí in koibo-ibog in intau, sin moraat in oaid monia.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

MAZMUR 148:5

Biódon mako in mosia komintan in modayow kon tangoi Tuhan, sin bayongan tua binaḻí podudui in parenta-Nea.

MAZMUR 97:11

Bayag ain nomuká kon intau inta motuḻid in gina, bo ḷunganga in gina kon intau inta mojujur.

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

YOHANES 1 2:8

Umpaka natua, táe parenta inta pinaisku naa in nobagubí doman; sin kobobanarnea in motaaubí indoian kon i Kristus bo kon i monimu. Sin sindip in koinggamá-koinggamádon bo bayag inta moḷoben momangkoidon monindar.

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

AYUB 38:19

Kinotaauanmu degá mongo nongkon onda in bayag, bo koondabí in pangkoi in sindip?

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

MAZMUR 118:27

Ki Tuhan in ki Allah, Sia in mopia in gina kon inaton. Bayádon in muna moyotakin kokada-kadai in tanga, bo ḻibudon in mezbah i Tuhan.

AYUB 36:30

Sinimbayagan-Nea in bayongan ḷangit pinongin kilat, táe apad in dagat tantúbí mosindip totok.

YOHANES 11:43

Nosingog mako natua, ki Yesus in nomaḷú noropot in noguman, “Lazarus, ḷuaidon!”

MATIUS 8:3

Bo kinadaian i Yesus in intau tatua bo noguman: “Moibog in Akuoi. Dá kopiadon in iko!” Bo kon dodaipa doman tuata panyaki kusta in intau tatua nopia.

KINOBAḺIAN 2:4

Tuata in ouman soaḷ pinomaḻían i Allah kon dunia naa takin tombonunea. Kon tungkuḷ in ki Tuhan nomaḻí kon dunia naa,