KINOBAḺIAN 1:28 - Alkitab Singog In Mongondow Masa In Tanaa

²⁸ Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 1:28 Referans Kwoze

KINOBAḺIAN 9:1

Ki Allah in nomarakat kon i Nuh bo kon i adínea mita takin noguman, “Pononggadí bo pononggompudon inta kobarongon, sinbá buímu in mogutun kon dunia naa.

KINOBAḺIAN 9:7

Iko in musti mononggadí bo mononggompu inta mobayong, sinbá buímu in mogutun kon dunia naa.”

IMAMAT 26:9

Barakatan-Ku in moiko bo mobogoi in adí bo ompu inta mobayong kon inimu. Onu inta ain pinodandi-Ku kon inimu, notantúbí kon aidan-Ku.

KINOBAḺIAN 1:22

Ki Allah in nomarakat kon bayongan tua takin nomarenta kon mahaḷuk mita inta nobiag kon bonu in tubig sinbá modugang mobarong bo mopuḻing in dagat, bo nomarenta doman kon ḷagapan mita sinbá modugang doman mobarong.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

KINOBAḺIAN 17:20

Táe duduian-Ku doman in oigummu soaḷ ki Ismael. Tuamai sia in barakatan-Ku bo ogoian-Ku in buí inta mobarong. Sia in mobaḻíbí doman mogoguyang in mopoḷú bodoyowá doman itoi in suku, bo buínea in baḻíon-Ku doman tobatú bangusa inta moḷoben.

KINOBAḺIAN 8:17

Diadon ḷumuai in bayongan ḷagapan bo mahaḷuk mita ibanea, moḷoben ande mointok, sinbá mosia in modugangdon mobarong kon dunia naa.”

MAZMUR 107:38

Ki Tuhan in nobogoi in adí mobayong kon i monia, bo bobiagon monia in umuran momuí.

TAWARIKH 1 4:10

Táe ki Yabes in nosambayang kon i Allah inta sinumba in intau in Israel, kainia, “Oo Allah, barakataidon in akuoi bo pobanatdon in butáku. Oḻiungaidon in akuoi bo poyayúdon in bodito sinbá diá moyoyiga in akuoi.” Bo inindogogan i Allah in igumnea tatua.

KINOBAḺIAN 26:24

Kon doḷom tua ki Tuhan nokipogontong kon inia bo noguman, “Akuoibí naa in ki Allah i amámu ki Abraham. Dika moondok; Akuoi in mogoḻiung kon inimu. Barakatan-Ku in iko bo ogoian-Ku iko in buí inta mobarong podudui in dandi-Ku kon bobantung-Ku ki Abraham.”

KINOBAḺIAN 17:16

Barakatan-Ku in sia bo sia in mopononggadí in adí ḷoḷaki tobatú inta ogoi-Ku kon inimu. Totuu, Akuoi in momarakatbí kon i Sara, bo sia in mobaḻí mogoguyang bobay in bangusa mita. Kon sigad in buínea oyúon in mobaḻí datu mita.”

KINOBAḺIAN 49:25

Ki Allah i amámu motuḷung kon inimu; Inta Totok in Mokawasa momarakat kon inimu takin mobogoi in uyan nongkon ḷangit bo tubig nongkon ḻimonag in butá. Takin adí bo sapi,

TAWARIKH 1 26:5

ki Amiel, ki Isakhar bo ki Peuletai.

KINOBAḺIAN 33:5

Naonda in ki Esau nokoontong kon bayongan bobay takin adí mita tatua, sia in noḻibó, “Ki ine in mosia inta noyotakinmu tanaa?” “Mosia naa in ki adíku mita,” tubag i Yakub, “Ki Allah ain noponotabi in adí mita tatua kon inakó.”

MAZMUR 69:34

Sin ki Tuhan nokidongog kon intau inta nobogá; diábí pinomayá-Nea mako in umat-Nea kon bonu in ponjara.

AYUB 42:12

Ki Ayub in binarakatan i Tuhan kino bayong totok kon ki agat in kinobiagannea, nongkon inta dungkuḷ kon dodai in sia diápa kinoantugan in bodito. Ki Ayub in kodomba bembé 14.000, unta 6.000, sapi 2.000, bo keledai 1.000.

TIMOTIUS 1 4:3

Mosia in motundú kon intau bá diá mobuḷoi bo diá doman mokaan kon kaanon inta ain sinantú monia. Bokaka kaanon tatua in pinomia i Allah sin kaanon takin mosukur kon i-Nia in intau mita inta ain nopirisaya kon i Kristus bo inta ain nonotaau kon totundú inta mobanar nongkon i Allah.

KINOBAḺIAN 5:2

Pinomia-Nea in mosia ḷoḷaki bo bobay. Binarakatan-Nea in mosia bo sinangoian “Intau”.]

MAZMUR 8:6

Táe dinuí-Mu in sia gogió bo notongkai i Allah, Pinopoḷutudan-Mu in sia in kamuliaan bo kahoromatan.

KINOBAḺIAN 6:1

Naonda intau nodugangdon nobarong kon dunia naa, bo adí mita bobay noilahir domandon,

AYUB 39:11

Motaau degá pongatamu in ropotnea tua, bo ogoimu kon inia in oaidanmu inta mobogat?

MAZMUR 8:7

Inogoian-Mu in sia in kawasa kon dunia naa, bayongan in inta pinomia-Mu pinotungkud-Mu kon inia:

MAZMUR 115:16

Ḷangit in tongábí ki Tuhan in kitogi, táe butá in inogoi-Nea kon intau.