KINOBAḺIAN 1:2 - Alkitab Singog In Mongondow Masa In Tanaa

² dunia naa in diápa notompiamai, bo diápa doman in tombonunea, nosindipabí komintan, bo Roho i Allah in maya-mayá mako kon tudu in tubig.

KINOBAḺIAN 1:2 Referans Kwoze

YEREMIA 4:23

Mataku in ḷumongow monag kon butá, diá in koontongan bo noingkag, ḷumangag in akuoi kon ḷangit, uḻe, diábí in monindar.

MAZMUR 104:30

Táe aka mosia ogoian-Mu in poginaan, mosia in binaḻí; Iko in nobogoi in kobiagan mobagu kon butá.

YESAYA 45:18

Ki Tuhanbí in inta nomaḻí kon ḷangit, Siabí in ki Allah! Siabí inta nomia bo nogaid kon butá, binaḻí noroton bo tantú noisindog mako. Diábí binaḻí-Nea tampat inta noingongow, táe tampatbí inta pogutunan. Siabí inta noguman, “Akuoibí in Tuhan bo diábí in ibanea mako.

MAZMUR 33:6

Ki Tuhan in nomarenta, dá nobaḻí in ḷangit; mata in singgai, buḷan bo tundi pinomia-Nea pinongin tosingogon-Nea.

AYUB 26:7

Ki Allah in nobuká kon ḷangit, kon ḻimonikan in baḷangon, bo nobambé kon butá naa kon tampat inta diá in onu bo onu.

AYUB 26:14

Táe bayongan intua tongábí nobaḻí tomponuot in kawasa-Nea; tongábí gombong inta nodapot kon bongoḷan naton. Totuubí mobabow in komomangaḻe naton kon i Allah bo kotoyang in kawasa-Nea!”

NAHUM 2:10

Niniwe in norimumudon, moingongow bo noḷogat. Gina in noḻia-ḻiawdon sin moondok. Duḷud in moḻemédon bo mourot. Pogot in bayongan in intau nongobilaidon totok.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

ULANGAN 32:11

Naonda bo ḷagapan boniá inta motundú kon i adínea ḷumayug singkaponnea kon koḻikip inta nosongká bo babaannea kon tudu in koḻikipnea mita,

AYUB 38:9

Akuoibí in nopogoḻiung in goḷom kon dagat bo binakutnea in sindip.

MAZMUR 104:6

Kinoḷubungan-Mu in baḷangon intua, tubignea in nonagom kon tudu mita in buḷud.

MAZMUR 136:6

Inukat-Nea in butá kon tudu in tubig; tabi-Nea in umuran mononoi.

MAZMUR 148:7

Dayowdon in ki Tuhan, ei tombonu in dunia, ei naga mita in dagat bo bayongan in baḷangon;

AMSAL 8:24

Akuoi in oyúondon kon dodai in baḷangon diápa binaḻí, kon dodai in diápa in bokaká mita.

YESAYA 31:5

Naonda bo ḷagapan tobatú mobuká kon koḻikipnea kon pugadnea sin moḷukad kon i adínea mita, natua doman in Akuoi, ki Tuhan Inta Totok in mokawasa in moḷukad, moduḷu bo moposaḷamat kon Yerusalem.”

AYUB 41:32

Sia in nonaḷámai kon ḻiod in sioḷ inta monindar, dagat binaḷuiannea nobaḻí burá inta mobudó in batangannea.