IMAMAT 9:13 - Alkitab Singog In Mongondow Masa In Tanaa

¹³ Nopaḷut mako kon tua mosia mopoabatdon kon inia in uḷu bo tonsilai mita ibanea nongkon mahaḷuk tatua, bo sinubánea kon tudu in mezbah.

IMAMAT 9:13 Referans Kwoze

IMAMAT 1:17

Onda intua koḻikip in ḷagapan tatua musti yabion táe dika dapot in moyotontaní in awaknea. Bo ḷagapan tatua musti tubáan kon tudu in mezbah. Rongingi in kuruban sinubá tatua mokosanang kon gina i Tuhan.

IMAMAT 9:12

Onda intua ki Harun noratá kon mahaḷuk tatua mobaḻí kuruban tubáan kon inia tontaní. Ki adí mita i Harun modia mangoi kon dugú in mahaḷuk tatua kon inia, bo ki Harun mopobutak kon siku opat in mezbah tatua.

IMAMAT 9:14

Noiduduimai kon tua bonu in sian bo páa in mahaḷuk tatua binatáannea bodongka sinubánea pinoyotakin in kuruban tubáan kon tudu in mezbah.

IMAMAT 1:8

Kuruban inta ain iyingat tatua, takin uḷu bo ḷongónea, musti ukaton monia kon tudu in tuḷú.