IMAMAT 8:35 - Alkitab Singog In Mongondow Masa In Tanaa

³⁵ Kon bonu in pitu nosinggai, singgai bo doḷom, moiko musti mogutun mako kon tayowon ngara in Ḷoḷaigan sin mogaid kon onu inta parentaan i Tuhan. Aka diá aidan monimu, yo matoi in moiko. Tuata in pinotaau i Tuhan kon inakó.”

IMAMAT 8:35 Referans Kwoze

DATU MITA IMITÁNEA 2:3

Aidaibí in onu inta pinarenta i Tuhan Allahmu kon inimu. Duduiai in bayongan hukum bo parenta-Nea inta pinais kon bonu in Buk i Musa, sinbá kon ondaka in bayáanmu yo kodapotanmu in bayongan inta iḷongasimu.

ULANGAN 11:1

“Kotabibí in ki Tuhan Allahmu, bo umurandon duduiai in bayongan parenta-Nea.

PINOGIAPAN 9:19

Aka goḷom tatua moonggot kon tombutung in Ḷoḷaigan tatua, mosia in motoindudui kon atorang i Tuhan bo diá mobuat nongkon tampat tatua.

PINOGIAPAN 3:7

Mosia in musti mopobayá in oaidan kon Ḷoḷaigan-Ku bo musti mobantung kon imang mita bo bayongan umat takin mogaid kon oaidan tatua kon Ḷoḷaigan-Ku tatua.

IBRANI 7:28

Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

TIMOTIUS 2 4:1

Ki Kristus Yesus in mamangoi bui kon dunia naa sin monantúdon kon taḷá in intau mita inta nobiagpa bo inta ain minatoi. Bo mamangoidon in Sia momarenta saḷaku Datu. Tuamai kon tayowon i Allah bo i Yesus Kristus, poigumonkudon totok kon inimu.

TIMOTIUS 1 6:20

Uḻe Timotius, adíku, onu inta pinoki aidku bo inta pinogumanku kon inimu, yo ḷukadai totok intua kopira! Donaai tongá mongonguman kon soaḷ inta diá in mangaḻenea bo inta moraat, dika tongá mobobayowan kon soaḷ mita inta sinangoian “Pongotahuan”.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 1 6:13

Bo tanaa mako, kon tayowon i Allah inta ain nobogoi in kobiagan kon bayongan in yagi-yagi, bo kon tayowon i Kristus Yesus inta ain noguman kon onu in totuu kon i Pontius Pilatus. Poigumonku in naa kon inimu:

TIMOTIUS 1 5:21

Kon tayowon i Allah, bo i Yesus Kristus bo in malaekat mita inta piniḻí-Nea, pogumankudon kon inimu sinbá dumuduidon in iko totu-totuu kon onu inta sinundúku mita tanaa, ḷumbúbí in raianmu inta diá mopia kon i inekabí bo aidaidon in naa komintan bo dikabí mopoyoposi kon intau.

TIMOTIUS 1 1:18

Timotius, adíku! Oaidan tanaa in inogoiku kon inimu pinodudui kon koyow i Allah inta ain pinoyaput in nabi mita kon jamaat soaḷ iko. Baḻídon baḷunmu in koyow i Allah tatua in mogaid kon bayongan oaidan inta mopia. Poramuji totu-totuu takin umuran kumadai kon inta moitutui bo paké in gina motuḻid bo modarit.

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

YEHEZKIEL 48:11

Butá inta ain sinantú tatua in mobaḻíbí kapunyaan in imang mita buí i Zadok. Mosia in nogundoidon kon i Tuhan takin noḻimbatú in gina diá ná intau in Lewi inta tongosuku monia, inta noitakin nomia kon dosa noyotakin in intau mita in Israel ibanea.

YEHEZKIEL 43:25

Pomuḷoi in singgai kon bonu in pitu nosinggai, iko in mustibí mopokuruban in bembé tobatú, sapi koḷakian batánea tobatú, bembé koḷakian baḻíon kuruban potobut kon dosa. Mahaḷuk mita tatua in diábí motaau aka oyúon in bogitnea.

PINOGIAPAN 19:12

Kon singgai nogintoḷu bo noginpitu sia in musti mopotusidon in awaknea takin tubig in upacara; bain tua bo modarit in sia. Táe aka kon singgai nogintoḷu bo singgai noginpitu diá in sia mondarit kon awak, yo sia in umuranpabí nonajis.

IMAMAT 14:8

Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

IMAMAT 10:1

Kon singgai tobatú ki adí mita i Harun ki Nadab bo ki Abihu, tumpaḷa nogamá kon tampat in tuḷú bo nomonu kon baga. Bo nopoukat in dupa kon bonu in tuḷú tatua bo noposumba kon i Tuhan. Táe tuḷú tatua kinodoíbí i Tuhan sin ki Tuhan in diábí nopotabá kon i monia noposumba intua.

IMAMAT 8:30

Nopaḷut mako kon tua ki Musa nogamá kon tongosilai in ḷana upacara bo tongosilai nongkon dugú inta kon tudu in mezbah, bo pinopo pisiknea kon i Harun bo kon i adínea mita takin pakeang monia. Tua in pinomia i Musa sin mopotondí kon i monia bo ḷambung monia ogoi kon i Tuhan.

IḶUAIAN 29:35

Upacara pomaḻían imang kon i Harun bo kon i adínea mita musti pomiaan pitu nosinggai in koonggotnea, ná inta ain pinoguman-Ku kon inimu.

IMAMAT 8:34

Ki Tuhan noguman sinbá onu in inaidan monimu singgai naa yo umuran doman aidan monimu kon singgai moiduduimai. Aka mogaid kon upacara tatua dá dosa mita monimu in ampungandon.

IMAMAT 8:36

Bo ki Harun takin ki adínea mita nomiadon kon bayongan inta pinoki aid i Tuhan inta pinotaaunea kon i Musa.