IMAMAT 8:32 - Alkitab Singog In Mongondow Masa In Tanaa

³² Ki agat in ponoyá bo roti tatua musti tubáan monimu kopayongon.

IMAMAT 8:32 Referans Kwoze

IḶUAIAN 29:34

Aka mobangon monik bo oyúonpa in ki agat in ponoyá ande roti tatua, dá kiagatnea tatua musti tubáan modait, bo diábí motaau kaanon, sin ain pinotontaní.

KORINTUS 2 6:2

Sin ki Allah ain noguman nanaa, “Kon wakutu inta kinoibog-Ku, Akuoi in nongindongogdon kon i monimu, bo kon singgai in akuoi moposaḷamat, Akuoi in motuḷung kon inimu.” Pokotorop kopia, masa in tanaa ain bidon wakutu inta kinoibog-Ku tua, bo tanaa bidon mako in singgai poposaḷamatan tatua!

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

IMAMAT 7:17

Aka kon singgai nogintoḷu bo oyúonpa in ki agatnea, dá ki agatnea tatua musti daiton tubáan.

IḶUAIAN 12:10

Dika taḷaan topiḻikmai in tapú tatua modapot in doḷo-doḷom; aka oyúon in kiagatnea, musti tubáan kopayongon.

IMAMAT 8:33

Kon bonu in pitu nosinggai moiko in diábí motaau in monaḷámai kon Ḷoḷaigan i Tuhan dapot in upacara pomaḻían imang kon inimu tatua mopaḷut.