Biblia Todo Logo
Bib sou entènèt

- Piblisite -




IMAMAT 8:17 - Alkitab Singog In Mongondow Masa In Tanaa

17 Táe tapú in sapi tatua, kuḻitnea, bonu in sian ibanea moitakin doman in kompongnea, dá komintan sapi tatua koḻikudon inta ain sinontaní in tubáanneadon kon ḷuai in ḷoḷaigan ná inta pinoki aid i Tuhan.

Gade chapit la Kopi




IMAMAT 8:17
9 Referans Kwoze  

Tapú, kuḻit bo kompong in sapi koḷakian tatua musti tubáan kon ḷuai in ḷoḷaigan. Tuata in nobaḻí sosumba potobut kon dosa in imang mita.


Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”


Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.


Mahaḷuk inta pinaké kon upacara potobutan kon dosa inta ginamá in dugúnea ibanea bo dinia kon Yuang Motusi, mustibí tubáan kopayongon bo diábí motaau in kaanon.


Onda intua sapi koḷakian tatua musti diaan kon ḷuai, bo tubáan kon ḷuai in ḷoḷaigan, ná inta kon sosumba sapi koḷakian inta binaḻí kuruban pongampung kon dosa in Imang Moḷoben tua. Natuata in moposumba in kuruban pongampung kon dosa in umat.


Táe tapú bo kuḻit in mahaḷuk tatua tubáannea kon ḷuai in ḷoḷaigan.


Onda intua, gamádon in sapi koḷakian inta pakéon potobut kon dosa tatua, bo tubádon kon tampat inta ain sinantú, inta kon ḷuai in tampat motusi kon Baḷoi Tuhan.


Swiv nou:

Piblisite


Piblisite