IMAMAT 8:12 - Alkitab Singog In Mongondow Masa In Tanaa

¹² Nopaḷut mako kon tua ki Musa nomaḻídon imang kon i Harun takin nopobutak in ḷana upacara topiḻik kon uḷu i Harun.

IMAMAT 8:12 Referans Kwoze

IḶUAIAN 30:30

Toguḷuai in ḷana in ki Harun bo ki adínea mita sinbá mosia in duíondon imang inta mogaid kon oaidan-Ku.

MAZMUR 133:2

Naonda bo ḷana mobondu inta koboḻi inta pinobutak kon uḷu i Harun, bo notait monag kon krak in ḷambungnea.

IḶUAIAN 29:7

Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

IḶUAIAN 28:41

Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IMAMAT 7:36

Kon singgai tatua ki Tuhan nomarenta kon bangusa Israel sinbá nongkon sosumba monia, tonsilai tatua in ogoi kon imang mita. Atorang tatua in musti umuran duduian in bangusa Israel.

IMAMAT 8:30

Nopaḷut mako kon tua ki Musa nogamá kon tongosilai in ḷana upacara bo tongosilai nongkon dugú inta kon tudu in mezbah, bo pinopo pisiknea kon i Harun bo kon i adínea mita takin pakeang monia. Tua in pinomia i Musa sin mopotondí kon i monia bo ḷambung monia ogoi kon i Tuhan.

IMAMAT 10:7

Dika monaḷámai kon Ḷoḷaigan i Tuhan sinbá diá matoi in moiko, sin moiko aindon binaḻí imang takin ininggúan in ḷana upacara sin mogaid kon oaidan i Tuhan.” Mosia in nogaid kon ná inta ain pinoguman i Musa.