IMAMAT 7:34 - Alkitab Singog In Mongondow Masa In Tanaa

³⁴ Dodob bo páa koḷanan in nobaḻí oogoi husus inta ginamá i Tuhan nongkon sosumba sinonoi in bangusa Israel bo ogoi kon imang mita. Tuata in umuran mobaḻí pinononsilai in bangusa Israel kon imang mita.

IMAMAT 7:34 Referans Kwoze

ULANGAN 18:3

Aka intau tobatú moposumba in kuruban sapi ande domba, dá paanea kon muna, ayoi bo sian in bobiagon tatua musti ogoi kon i imang mita sin mobaḻí tonsilai monia.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IḶUAIAN 29:9

bo baan kon i monia, bo bogot in uḷu popotogot domandon kon uḷu monia. Natuata in pododuí kon i Harun bo kon i adínea mita. Mosia bo buí monia in musti mobantung kon i-Nakó mobaḻí imang inta mononoi.

IḶUAIAN 29:26

Gamádon dodob in domba koḷakian tatua bo posumbadon mobaḻí sosumba inta potamad kon i-Nakó. Bo tuata in silaimu.

IMAMAT 7:33

kon imang inta noposumba in dugú bo ḷongó in kuruban dodamean tatua.

PINOGIAPAN 5:9

Nongkon onukabí inta pinosumba in intau Israel kon i Tuhan, sosumba pinonangoinea tatua nobaḻí silai in imang inta notarima kon sosumba tatua.

PINOGIAPAN 8:11

bo intau mita in Lewi tatua musti posumba i Harun mobaḻí sosumba inta sinantú nongkon intau Israel kon i-Nakó, sinbá mosia in motaau mogaid kon oaidan-Ku.

PINOGIAPAN 6:20

Bo ki imang musti moguman kon kaanon tatua in nobaḻídon oogoi inta ain sinantú kon i Tuhan; tua in silai motusi inta nobaḻí silai i imang, dodob bo paa in domba koḷakian tua in nobaḻí silai i imang podudui in atorang. Bain mopaḷut mako kon tua nazir tatua motaaudon monginum kon tubig in anggur.