IMAMAT 7:25 - Alkitab Singog In Mongondow Masa In Tanaa

²⁵ Intau inta mokaan kon ḷongó in mahaḷuk inta motaau posumba mobaḻí kuruban kaanon kon i Allah, yo intau tatua in diá bidon poyoiapon umat i Tuhan.

IMAMAT 7:25 Referans Kwoze

IMAMAT 7:20

Aka intau inta mokaan kon ponoyá tatua bo dodai intua monajis, dá sia diádon pinoyoiap anggota umat i Tuhan.

IMAMAT 7:24

Ḷongó in mahaḷuk inta minatoi monag naníon ande dinomok in mahaḷuk moraat ibanea, diábí motaau in kaanon táe motaaubí in pakéon kon kaparaḷuan ibanea.

IMAMAT 7:26

Intau Israel, kon ondaka in pinogutunannea, diábí motaau in mokaan kon dugú in ḷagapan ande dugú in mahaḷuk ibanea.

KINOBAḺIAN 17:14

Bayongan in ḷoḷaki inta diá sinoit diá bidon moituot kon anggota in umat-Ku sin sia in diá kinumadai kon dodandian tatua.”

IḶUAIAN 29:25

Bo gamádon in roti nongkon i monia bo tubádon kon tudu in mezbah, kon tudu in kuruban inta sinubá tatua. Rongingi in kuruban tatua mokosanang kon gina-Ku.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 7:21

Aka intau tobatú nokaan kon ponoyá inta pinokuruban tatua bo mopaḷut mako kon tua sia moḻiai kon inta monajis, pinomayá kon intau ande inta nongkon mahaḷuk, dá sia doman in diádon poyoiapon anggota in umat i Tuhan.

IMAMAT 7:27

Ki ine in ḻimimpat kon atorang tatua yo diá bidon iniap umat i Tuhan.