IMAMAT 7:11 - Alkitab Singog In Mongondow Masa In Tanaa

¹¹ Naa in atorang mita pogogaid kon kuruban dodamean inta pinosumba kon i Tuhan.

IMAMAT 7:11 Referans Kwoze

IMAMAT 7:10

Táe kuruban oḷudon inta diá dinungú, pinomayá inta binauian in ḷana ande inta noingkag, tua mita nobaḻí silai in imang mita inta buí i Harun, bo mustibí silaion kotongkaion kon i monia.

TAWARIKH 2 33:16

Onda intua sinompianea in mezbah tampat pooibadaan kon i Tuhan bo noposumba kon tua in kuruban dodamean bo kuruban sukur. Bayongan intau in Yohuda pinoki ibadaannea kon i Tuhan Allah in Israel.

AMSAL 7:14

“Singgai naa akuoi in musti moguboḻi kon dandiku, dá akuoi in noposumbadon in kuruban.

AMOS 5:22

Aka moiko modia kon kuruban payongon bo kuruban gandum, diábí tarimaan-Ku. Akuoi in doíbí motarima kon bobiagonmu mita inta nongoḷomumu tua inta pinosumbamu kon i-Nakó saḷaku kuruban dodamean.

IMAMAT 7:29

kon bangusa Israel. Ki ine in modia kon kuruban dodamean, musti mopotondí in tongosilai sin diaan posumba kon i Tuhan.

IMAMAT 19:6

Tapúnea musti kaanon kon singgai pinoratáan ande mobangon monik. Tapúnea inta ki agatnea nodapot kon singgai nogintoḷu musti daiton tubáan,

IMAMAT 22:29

Aka moiko moposumba in kuruban mobaḻí sukur kon i Tuhan, aidaidon intua podudui in atorang, sinbá kurubanmu tarimaan.

TAWARIKH 2 29:31

Nopaḷut mako kon tua ki Hizkia in noguman, “Popisí in moiko tanaa aindon sinondí kon i Tuhan, dá nobaḻí sosumba sukurmu, moiko in mustibí modia kon kuruban kon Baḷoi Tuhan.” Bo bayongan in intau inta kon tua in nodia kon sosumba mita tatua, nodapot in oyúon doman inta takinbí ibog monia tontaní nodia kon biag mita sin posumba mobaḻí kuruban payongon.