IMAMAT 4:21 - Alkitab Singog In Mongondow Masa In Tanaa

²¹ Onda intua sapi koḷakian tatua musti diaan kon ḷuai, bo tubáan kon ḷuai in ḷoḷaigan, ná inta kon sosumba sapi koḷakian inta binaḻí kuruban pongampung kon dosa in Imang Moḷoben tua. Natuata in moposumba in kuruban pongampung kon dosa in umat.

IMAMAT 4:21 Referans Kwoze

IMAMAT 16:15

Mopaḷut mako kon tua ki Harun musti moratá kon bembé sin pokuruban potobut kon dosa in umat Israel. Dugú in bembé tatua musti diaannea kon Yuang Totok Motusi, bo popopisik kon dotá in muna taḷob in Poti Dodandian bo kon tayowon Poti, ná pinogogaid kon dugú in sapi koḷakian.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

MATIUS 20:28

Ná ki Adí Intau namangoi deemanbí mokibantung, táe mamangoibí mobantung bo mobogoi in nyawa-Nea potobut kon dosa in intau mobarong.”

EZRA 8:35

Kon singgai tatua doman, bayongan intau inta ain nobui nongkon pinoḷumbúan tatua, noposumba in kuruban payongon kon i Allah in Israel. Mosia in noposumba in 12 in sapi koḷakian kon kopontingan in bayongan in Israel, 96 in domba koḷakian bo 77 in ki adí in domba; koḻikud intua 12 in bembé sin pokuruban kon pongampungan kon dosa kon i monia tontaní. Bayongan in biag tatua sinubá nobaḻí kuruban kon i Tuhan.

IMAMAT 16:21

Ḻimanea musti poukatnea kon ḻimonik in uḷu in bembé tatua poḷat mongaku kon bayongan taḷá, dosa bo ḷawang in bangusa Israel. Natuata in pomomamping kon bayongan taḷá in bangusa Israel kon tudu uḷu in bembé tatua. Bo intau tobatú inta ain sinantú musti moguntun kon bembé tatua pobayá in padang gurun.

IBRANI 13:11

Dugú in mahaḷuk inta pinosumba saḷaku kuruban pongampungan kon dosa dinia i imang moḷoben kon Yuang Inta Totok Motusi, táe awak in mahaḷuk tatua in sinubábí kon ḷuai in pinononḷoḷaigan.

IMAMAT 4:13

Aka inta dinosa tua bo bayongan umat in Israel, tongá diábí sinumuod noḷawang kon tobatú nongkon parenta i Tuhan,

IMAMAT 4:20

Aidan naonda bo pogogaid kon sosumba sapi koḷakian inta nobaḻí kuruban pongampung kon dosa. Natuata in pogogaid in Imang Moḷoben moposumba in kuruban sin potobut kon dosa mita in umat, dá dosa mita tatua in ampungandon i Tuhan.

IḶUAIAN 29:14

Tapú, kuḻit bo kompong in sapi koḷakian tatua musti tubáan kon ḷuai in ḷoḷaigan. Tuata in nobaḻí sosumba potobut kon dosa in imang mita.

IMAMAT 6:11

Mopaḷut mako kon tua sia musti momaḷuidon kon pakeang bodongka modia kon ḷobud tatua kon ḷuai in ḷoḷaigan, pobayá in tampat inta ain sinantú potagúan kon tua.

IMAMAT 6:23

Bayongan kuruban oḷudon inta posumba in imang musti tubáan kodaiton, bo topiḻikmai diábí motaau in kaanon.

IMAMAT 8:17

Táe tapú in sapi tatua, kuḻitnea, bonu in sian ibanea moitakin doman in kompongnea, dá komintan sapi tatua koḻikudon inta ain sinontaní in tubáanneadon kon ḷuai in ḷoḷaigan ná inta pinoki aid i Tuhan.

IMAMAT 16:27

Sapi koḷakian bo bembé inta pinokuruban potobut kon dosa, inta dugúnea dinia sinumuot kon bonu in Yuang Totok Motusi sin potobut kon dosa, musti diaan poḷuai kon ḷoḷaigan bo tubáan. Kuḻit, tapú bo bonu in sian mahaḷuk doyowa tatua musti tubáan kopayongon.

YEHEZKIEL 45:22

Kon singgai dungkuḷ, mongongawasa inta nomarenta in mustibí moposumba in sapi koḷakian tobatú mobaḻí kuruban potobut kon dosanea tontaní bo dosa in bayongan in rayat.