IMAMAT 3:3 - Alkitab Singog In Mongondow Masa In Tanaa

³ Aka pakéon kuruban dodamean kon i Tuhan, dá gamáan i imang naa nongkon biag tatua bo posumba: ḷongó inta noibakut kon siannea,

IMAMAT 3:3 Referans Kwoze

IḶUAIAN 29:13

Mopaḷut mako kon tua gamádon in bayongan ḷongónea inta noikoḷob kon bonu in siannea, bo inta totok in mopia nongkon podilat bo kombiloinea takin ḷongónea bo ukatdon intua komintan kon tudu in mezbah bo tubádon mobaḻí sosumba kon i-Nakó.

MATIUS 15:8

‘Nanaa in kai Allah: Intau mita tanaa moduí kon i-Nakó táe tongá kon bibig monia, sin gina monia in moyayú kon i-Nakó.

IḶUAIAN 29:22

Gamádon ḷongó in domba koḷakian tatua, iputnea inta oyúon in ḷongó, gaipan ḷongó nongkon bonu in siannea, onu inta totok in mopia nongkon podilatnea, kombiloinea doyowa takin ḷongónea, bo paanea koḷanan.

SURAT I PAULUS KON JAMAAT RUM 6:6

Kinotaauan bidon naton kon tabiat naton saḷaku intau aindon noitakin pinopopakú kon kayu pinoyotaḻempang, sinbá kawasa in awak inta binaradosa naa inggamáandon, sahingga in kita in diádon umuran tonggataan in dosa.

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

MATIUS 13:16

“Táe mopia totok in matamu sin nokoontong bo bongoḷanmu sin nokodongog.”

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

YESAYA 6:10

Bo nogumandon in Sia kon inakó, “Bangkungaidon in raian in intau mita tatua, bongoḷai in bongoḷannea bo bilogai in matanea, sinbá mosia in diá mokoontong, mokodongog andeka momangaḻe, bo momurow mamangoi kon i-Nakó bo mopiadon.”

AMSAL 23:26

Tondudut kopira bo duduidon kon kobobiagku, adíku!

MAZMUR 119:70

Intau mita tatua in diábí nomangaḻe, táe kon inakó hukum-Mu in mokosanangbí kon gina.

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

IMAMAT 3:16

Imang inta mogaid kon oaidannea musti motubá kon tua mita kon tudu in mezbah. Rongingi in kokaanon tatua mokosanang kon gina i Tuhan. Bayongan ḷongó in mahaḷuk tatua ogoi posumba kon i Tuhan.

IMAMAT 1:8

Kuruban inta ain iyingat tatua, takin uḷu bo ḷongónea, musti ukaton monia kon tudu in tuḷú.

IMAMAT 1:12

Naonda in biag tatua pinongko-pongkódon, bayongan inta pinongkó tatua, moitakin doman in uḷu bo ḷongónea, musti tuduon in imang kon tudu in tuḷú kon mezbah.

IMAMAT 3:2

Intau inta moposumba intua musti mopoukat in ḻimanea kon tudu in biag tatua bodongka ratáannea kon tayowon ngara in Ḷoḷaigan i Tuhan. Imang mita buí i Harun musti mopobutak in dugú in sapi tatua kon sí opat in mezbah.

IMAMAT 3:4

kombiloi takin ḷongónea bo poatnea inta totok in mopia.

SAMUEL 1 2:15

Modapot in mokakit doman in mototuḷung i imang tatua mamangoi kon dodai in ḷongónea diápa pinotondí sin tubáan, bo moguman in sia kon intau inta moposumba kon kuruban tatua, “Ogoidon in tapúnea inta diápa dinungú tatua kon i imang sin angagonnea; doíbí in sia motarima kon tapúnea inta ain sinuon.”

IMAMAT 4:10

Tua komintan musti tubáannea ná kuruban dodamean.

IMAMAT 7:5

Tua mita musti tubáannea kon tudu in mezbah mobaḻí kuruban kaanon kon i Tuhan. Kuruban tatua in nobaḻí kuruban toḻiu in karugian.

IMAMAT 7:30

Sia tontaní in musti modia kon kuruban kaanon tatua. Ḷongó bo dodob in mahaḷuk tatua musti posumba mobaḻí sosumba inta sinonoi kon i Tuhan.

IMAMAT 9:10

Ḷongó, kombiloi bo tonsilai inta totok in mopia nongkon mahaḷuk tatua tubáannea kon tudu in mezbah, ná inta pinarenta i Tuhan kon i Musa.

IMAMAT 16:25

Ḷongó in mahaḷuk inta pokuruban potobut kon dosa musti tubáan kon mezbah.

YEHEZKIEL 44:15

Ki Tuhan Inta Totok in moḷantud in noguman, “Kon tungkuḷ in bangusa in Israel nonaḷámai kon i-Nakó, imang mita in Lewi nongkon buí i Zadok in tantúbí notoindudui in nogundoi kon i-Nakó kon Baḷoi-Ku. Tuamai in mosiadon in tanaa in musti mogundoi kon i-Nakó bo mamangoi kon tayowon-Ku sin moposumba in ḷongó bo dugú in kuruban mita.