IMAMAT 27:16 - Alkitab Singog In Mongondow Masa In Tanaa

¹⁶ Aka intau tobatú moposumba in butánea toḷosi kon i Tuhan, yo boḻinea musti tantúon podudui in bibit inta pakéon pomunak kon butá tatua. Aka doyowa nopuḷú nokilo in gandum yo boḻinea in doit saḷaka mopuḷú.

IMAMAT 27:16 Referans Kwoze

OUMAN IN RASUL MITA 5:4

Butá tatua in butámubí wakutu in diápa pinotaḷuimu. Bo naonda in pinotaḷuimudon, boḻinea in ikobí doman in kitogi. Dá nongonu sin monomayábí in iko kon diá mopia natua? Deemanbí intau in inuboḷanmu, táe ki Allahbí!”

HOSEA 3:2

Dá uboḻian-Ku in doit saḷaka mopuḷú bo ḻima bo mogatut bo ḻima nopuḷú nokilo in gandum sinbá mokouḻí kon bobay tatua.

YESAYA 5:10

Bungai in pinomuḷa diá mopia, gobá in anggur inta koḷobennea mopuḷú nohitare tongá kouḻían kon mopuḷú noliter in tubig in anggur. Mogatut noliter in bibitnea tongá kinouḻían kon mopuḷú noliter in gandum.”

IMAMAT 27:15

Aka intau tatua moibog motobut kon baḷoinea, yo musti uboḻiannea in boḻinea tatua bo dugangan in doyowa nopuḷú noporsen.

IMAMAT 27:17

Aka butá tatua pinosumba pinangkoipa kon taong pinopobuian, yo boḻinea musti uboḻian motompod.