IMAMAT 26:38 - Alkitab Singog In Mongondow Masa In Tanaa

³⁸ Moiko in matoidon kon butá inta pinoḷumbúan, yompaton in musungmu mita kon butá monia.

IMAMAT 26:38 Referans Kwoze

YEREMIA 42:22

Tuamai, toropdon: kon butá inta koibog monimu bayáan sin mogutun kon tua, yo matoibí in moiko kon parang, andeka matoi in gogoy andeka matoi in yampoi in takit.”

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

ULANGAN 28:68

Ki Tuhan in mogatodon bui kon i monimu mayá in Mesir tumakoi kon kapaḷ, umpaka Sia ain noguman kon moiko in diá bidon mobui mayá intua. Kon tua moiko in moramuji mopotaḷui in awakmu mobaḻí ata kon musungmu, táe diá tobatúmai in moibog motaḷui kon i monimu.”

ULANGAN 28:48

Tuamai moiko musti mogundoi kon musung mita inta pinoangoi i Tuhan sin moḷawang kon i monimu. Moiko in aputondon in gogoy, yogang bo mopilang bo diá koonu bo onu. Ki Tuhan in mondorot totok kon i monimu modapot in moiko moyopú.

IMAMAT 26:39

Bo ki ine in kon sigad monimu inta nobiagpa kon butá in musungmu mobiagdon moyoyiga popisí in dosamu tontaní bo dosa in mogoguyangmu.

YEREMIA 22:12

Sia in matoibí kon pinoḷumbúan, bo diá bidon mokoontong kon butá tanaa.”