IMAMAT 25:5 - Alkitab Singog In Mongondow Masa In Tanaa

⁵ Modapot in anggur inta kino bia-biagnea ande anggur nongkon pangkoi in anggurmu inta diá pinoḻimpingan, diábí motaau sipunon monimu bo tagúon, sin taong tatua in nobaḻí taong pogogaian in butá.

IMAMAT 25:5 Referans Kwoze

YESAYA 37:30

Ki Yesaya in nokidia doman in koyow tanaa kon i Hizkia, “Naa in inta mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta mobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungainea.

DATU MITA 2 19:29

Ki Yesaya in nokidia doman in koyow tanaa kon i Hizkia, “Naadon in mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta nobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungai in boyónea.

IMAMAT 25:4

Táe pomuḷoi in taong impitunea tua in tantúon kon i Tuhan. Dá kinoouput in taong tatua pomayápa mako in butá tatua diá ponompinomuḷaan. Dika monompinomuḷa bo dika mongimpoḻimping kon anggurmu mita.

IMAMAT 25:6

Umpaka natua, yo butá tatua in mobogoibí doman in boyó inta baḻíon kaanon kon i monimu, kon atamu mita, kon intau mita inta sinondananmu, bo intau mita ango-angoi inta nogutun takin i monimu.

IMAMAT 25:11

Dikapabí monompinomuḷa kon gobámu. Gandum inta tongá kino bia-biagnea ande bungai in anggur kon gobá in anggurmu inta diá pinoḻimpingan diábí motaau sipunon monimu bo tagúon.