IMAMAT 25:4 - Alkitab Singog In Mongondow Masa In Tanaa

⁴ Táe pomuḷoi in taong impitunea tua in tantúon kon i Tuhan. Dá kinoouput in taong tatua pomayápa mako in butá tatua diá ponompinomuḷaan. Dika monompinomuḷa bo dika mongimpoḻimping kon anggurmu mita.

IMAMAT 25:4 Referans Kwoze

TAWARIKH 2 36:21

Dá nobaḻídon onu inta ain pinoguman i Tuhan pinongin i Yeremia kon butá tatua in mobaḻídon diá in mangaḻenea kon bonu in 70 notaong in koonggotnea nobaḻí toḻiu in taong mita in Sabat inta diá pinandungmai.

IMAMAT 26:43

Táe munapa poḷuaion in intau mita inta nogutun kon butá tatua, sinbá totu-totuu kon moigogaipa. Bo umat-Ku musti mopobayá in hukuman inta pinopoḷabú-Ku kon i monia popisí in doí dinumudui kon atorang bo parenta-Ku mita.

IMAMAT 25:5

Modapot in anggur inta kino bia-biagnea ande anggur nongkon pangkoi in anggurmu inta diá pinoḻimpingan, diábí motaau sipunon monimu bo tagúon, sin taong tatua in nobaḻí taong pogogaian in butá.