IMAMAT 25:16 - Alkitab Singog In Mongondow Masa In Tanaa

¹⁶ Aka moonggot, dá mobayong doman in boḻinea. Táe aka motoyong, dá moyakag doman in boḻinea, sin inta pinotaḷui tua in noidoyonbí kon kobarong in bungai in boyó.

IMAMAT 25:16 Referans Kwoze

IMAMAT 25:51

Ata tatua musti mopobui in boḻi inta pinototaḷui monia kon inia ná kobayong in tondan intau totondanan kon bonu in taong mita inta diápa pinogaidannea,

IMAMAT 25:27

dá sia in musti moguboḻi kon intau inta ain notaḷui kon butánea podudui in bungai in boyó kon butá tatua kon dodai in butá tatua pinotaḷui pinangkoi kon singgai pinopotaḷuian nodapot kon Taong Popobuian. Dá butá tatua in noibuidon kon inia.

IMAMAT 25:15

Boḻi in butá tatua musti tantúon podudui in koonggot in taong butá tatua nobogoi in boyó nodapot kon Taong Popobuian moiduduimai.

IMAMAT 27:18

Aka butá tatua pinosumba naonda in nopaḷut mako in Taong Popobuian, dá ki imang musti monakuser kon boḻinea podudui in koonggot in taong mita inta ki agatnea modapot kon Taong Popobuian inta moidudui, bo monantú kon boḻinea in moona-onag nongkon tua.