IMAMAT 23:5 - Alkitab Singog In Mongondow Masa In Tanaa

⁵ Singgai Moḷoben Paska inta iramean sin mohoromat kon i Tuhan, pangkoion kon dodai mata in singgai tumoyop kon singgai impuḷú bo opat buḷan noginmitá.

IMAMAT 23:5 Referans Kwoze

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

MATIUS 26:17

Kon singgai dungkuḷ pinoramean kon Singgai Moḷoben Roti diá koragi, murí-Nea mita namangoidon kon i-Nia bo noḻibó, “Kon onda degá in kon ibog i Pak Guru posadiaan nami kon pongaanan naton moyotakin kon singgai in Paska naa?”

IḶUAIAN 23:15

Kon bonu in buḷan Abib, podudui in wakutu inta ain sinantú, moiko musti mogaid kon porayaan inta sinangoian Pesta Roti Diá Ragi ná inta ain pinoguman-Ku kon inimu, sin kon buḷan in tatuata moiko nonaḷámai kon Mesir. Donaai mokaan kon roti inta iragian kon bonu in porayaan pitu nosinggai tatua. Kon batúannea in moiko in mamangoi mosumba kon i-Nakó, moiko musti modia kon sosumba.

LUKAS 22:7

Nodapotdon in singgai moḷoben Roti Diá in ragi, tuata in singgai inta porataan kon domba Paska.

MARKUS 14:12

Kon singgai dungkuḷ porayaan kon Roti Diá Koragi – wakutu in intau moratadon kon domba Paska – murí-Nea mita in noḻibó kon i Yesus, “Kon onda in koibog i Pak Guru posadiaan nami kon pongaanan kon singgai in Paska?”

YEHEZKIEL 45:21

Kon singgai impuḷú bo opat kon buḷan imitánea, moiko in mustibí morame kon Bobutungan in Paska. Pitu nosinggai in koonggotnea bayongan in intau in musti mokaan kon roti diá iragian.