IMAMAT 23:33 - Alkitab Singog In Mongondow Masa In Tanaa

^33-34 Poramean kon Singgai Moḷoben Pondok Daun pangkoion kon singgai impuḷú bo ḻima buḷan noginpitu bo pitu nosinggai in koonggotnea.

IMAMAT 23:33 Referans Kwoze

IMAMAT 23:32

Pangkoion kon dodai in mata in singgai tumoyop kon singgai noginsiow kon buḷan tatua modapot doman kon dodai mata in singgai tumoyop kon singgai impuḷúnea, musti poramean monimu ná singgai in Sabat, singgai inta ain sinantú pogogaian. Tosinggai tua moiko musti mopuasa.

PINOGIAPAN 29:12

Kon singgai impuḷú bo ḻima buḷan noginpitu moiko in musti momia kon poyodungkuḷan sin moibada, bo diábí motaau in mogaid kon oaidan inta mobogat. Kon bonu in pitu nosinggai moiko musti momia kon porayaan sin mohoromat kon i Tuhan.

DATU MITA IMITÁNEA 12:32

Onda intua ki Yerobeam nonampat kon imang mita tatua kon Betel sin mopobayá in oaidan monia kon tua bo sia tontaní in noposumba in kuruban kon sapi mita buḷawan inta pinomianea tatua. Bo nonantúdon in sia kon singgai impuḷú boḻima buḷan noginwaḷu nobaḻí singgai moḷoben in Israel, notongkai ná singgai moḷoben kon Yohuda. Kon singgai tatua ki Yerobeam minayá in Betel bo noposumba in kuruban sin morame kon singgai moḷoben inta ain sinantúnea tatua.

YEHEZKIEL 45:25

Kon Rame in Singgai Moḷoben Ḷuḷung Daun, inta pangkoion kon singgai impuḷú boḻimanea kon buḷan impitunea, pomuḷoi in singgai kon bonu in pitu nosinggai mongongawasa musti moposumba in kuruban mita inta notongkai intua, tuata in kuruban potobut kon dosa, kuruban payongon, bo kuruban gandum bo ḷana zaitun.”

EZRA 3:4

Mosia in norame doman kon Singgai Moḷoben in Pondok Daun, podudui in atorang; bo pomuḷoi in singgai moposumba in kuruban inta ain sinantú kon singgai tatua.

ZAKHARIA 14:16

Onda intua bayongan in intau inta nobiagpa kon sigad in bangusa mita inta nonubu kon Yerusalem, in mayádon in kotá sin mosumba kon i Datu, ki Tuhan Inta Totok in mokawasa, bo morame kon singgai Moḷoben Ḷuḷung Daun.