IMAMAT 23:11 - Alkitab Singog In Mongondow Masa In Tanaa

¹¹ Kon singgai mopaḷut mako singgai in Sabat, ki imang musti moposumba in gandum tatua mobaḻí sosumba inta tonoion kon i Tuhan, sinbá mopia in gina i Tuhan kon inimu.

IMAMAT 23:11 Referans Kwoze

IḶUAIAN 29:24

Pokikadaidon in bayongan kaanon mita tatua kon i Harun bo kon i adínea mita bo pokidiadon kon i monia mamangoi kon i-Nakó mobaḻí sosumba inta pinotamad.

IMAMAT 10:14

Táe iko bo ki adímu mita ḷoḷaki bo bobay motaaubí in mokaan kon dodob in mahaḷuk inta nongkon sosumba inta sinonoi bo páa nongkon sosumba inta pinonangoi. Tuata in silai in imang mita nongkon kuruban dodamean in bangusa Israel. Motaaubí kaanon monimu intua kon bayongan tampat inta diá monajis.

IMAMAT 9:21

Dodob bo páa koḷanan in mahaḷuk tatua pinosumbanea nobaḻí sosumba tonoion kon i Tuhan. Tua in nobaḻí silai in imang mita, ná inta ain pinoguman i Tuhan kon i Musa.

IḶUAIAN 28:38

Ḷambá buḷawan tatua musti pakéon i Harun kon pogotnea sinbá Akuoi, ki Tuhan, moibog motarima kon bayongan in sosumba inta dinia intau Israel kon i-Nakó, umpaka kon dodai in mosia nodia kon sosumba tatua mosia ain nogaid kon inta noitaḷá.

IMAMAT 23:12

Kon singgai moiko moposumba in gandum tatua, moiko musti moposumba doman in kuruban payongon ki adí in domba tobatú inta koḷakian inta umur totaong bo diá nobogit.

RUT 1:22

Natuata in ouman soaḷ ki Naomi nobui mangoi kon Moab takin i Rut intau in Moab tua inta ki buḷoi i adínea. Mosia in noidapot kon Betlehem kon dodai in pomangkoiandon ponoḻisían kon bungai in gandum.