IMAMAT 23:1 - Alkitab Singog In Mongondow Masa In Tanaa1 Ki Tuhan nobogoi kon i Musa Gade chapit la |
Siabí inta musti motaḷui kon bobiagon inta pakéon kon kuruban payongon bo bahan mita inta mobaḻí kuruban gandum bo kuruban anggur kon bayongan in bangusa in Israel kon singgai mita moḷoben, Singgai moḷoben Buḷan Mobagu, singgai mita in Sabat bo singgai mita moḷoben ibanea. Sia in mustibí moposadia in kuruban potobut kon dosa, kuruban gandum, kuruban payongon, bo kuruban podamean sin mopoigum in ampung kon bangusa in Israel.”
bo muḷoi doman mako aka oyúon in kuruban angagon kon i Tuhan kon singgai in Sabat, kon Poramean Buḷan Mobagu, bo kon poramean mita ibanea. Soaḷ kobayong in intau in Lewi inta musti mogaid kon oaidan muḷoi mako, ain doman inaidan in atorangnea. Modapot in mononoi intau in Lewi musti mopobayá in oaidan tatua.
Tanaa moibog in akuoi moposindog in baḷoi poibadaan tobatú inta ain sinantú kon pohoromatan kon i Tuhan Allahku. Kon baḷoi tatua akuoi bo rayatku in moibada kon i-Nia takin motubá kon dupa inta mongo bo mongobondu, bo moposumba in roti oḷudon kon inia mokopotantú. Kon baḷoi doman tatua moposumbadon in kami in kuruban payongon muḷoi in doḷo-doḷom bo doḷom, muḷoi in singgai in Sabat, singgai moḷoben Buḷan Mobagu bo singgai mita inta ain sinantú sin mohoromat kon i Tuhan Allah nami. Sin, Sia in nomarentadon sinbá tua in umuran pomiaan in intau Israel modapot in kopaḷutannea.
Kuruban mita tatua in pinosumbanea podudui in hukum i Musa inta kon muḷoi in singgai moḷoben: Singgai moḷoben Sabat, Singgai moḷoben Buḷan Mobagu, bo toḷu in singgai moḷoben taongan, inta singgai moḷoben Roti Diá Iragian, singgai moḷoben Posipunan kon bungai in boyó, bo singgai moḷoben in Ḷuḷung in Daun.
Diábí in baragunanea in podiaan kon sosumbamu tatua. Doíbí in Akuoi kon bónea. Morongó in Akuoi bo diádon mokotahang in mokoontong kon i monimu monanob kon Buḷan Mobagu, singgai mita in Sabat bo singgai mita moḷoben takin poyoyodungkuḷan in agama. Bayongan tua in ain sinamakan monimu in dosamu mita bo nobaḻídon dodiaan kon i-Nakó; moḷopídon in Akuoi in mobaba kon tua.
Kon singgai mita bobutungan bo poramean, poyotakinon in batúan sapi koḷakian bo batúan in domba koḷakian musti posumba in gandum mopuḷú bo pitu bo tobotak noliter, bo poyotakinon doman kon batúan in ki adí in domba, tongonukabí in koibog in intau inta moibada. Pomuḷoi in kuruban gandum musti takinan in sosumba ḷana in zaitun toḷu noliter.