IMAMAT 22:32 - Alkitab Singog In Mongondow Masa In Tanaa

³² Dika mopokotormai kon tangoi-Ku inta motusi. Bayongan bangusa Israel musti mosumba kon i-Nakó mobaḻí Inta Totok in Motusi. Akuoi in ki Tuhan bo Akuoi in nopobaḻí kon i monimu motusi.

IMAMAT 22:32 Referans Kwoze

LUKAS 11:2

Dá kai Yesus doman, “Aka moiko bo mosambayang yo singogdon nanaa, ‘Amá, Tongábí Iko in ki Allah. Poigumon mako Iko in sumbaan bo horomaton. Ikobí in Datu nami. Poigumon mako Iko momarenta kon dunia.

IMAMAT 18:21

Dika mobogoi in adímu tongáka tobatú sin pokuruban kon bonu in posumbaan kon i dewa Molokh, sin oaid tatua mopoompábímai kon tangoi i Allah, ki Tuhanmu.

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

IMAMAT 22:2

mopotaau in parenta tanaa kon i Harun bo kon i adínea mita, “Kopiaan in mopoaid kon onu inta pinosumba in bangusa Israel kon i-Nakó, sinbá moiko in diá mopokotormai in tangoi-Ku inta motusi. Akuoi in ki Tuhan.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

YOHANES 17:17

Baḻí in mosia tongá kapunyaan i Amá pongin inta mobanar. Pirman i Allah tuata in mobanar.

YESAYA 5:16

Táe ki Tuhan Inta Totok in mokawasa nopoontong in koḷoḷoben-Nea pinongin nogaid kon onu inta nobanar. Sia in mopoontongbí in kototusi-Nea pongin monisig kon bangusa-Nea.

IMAMAT 21:15

Aka sia ḻimimpat kon atorang tatua, dá ki adínea mita inta sabanarnea motusi, mobaḻídon nonajis. Akuoi in ki Tuhan bo Akuoi nopotondídon kon inia nobaḻí Imang Moḷoben.”

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

IMAMAT 20:8

Duduiaidon in hukum-Ku mita, sin Akuoi in ki Tuhan inta ain nopotondí kon i monimu sin mobaḻí mogogundoi-Ku.”

IMAMAT 22:16

takin mopomayá mako intua kaanon in intau inta diá motaau mokaan kon tua. Oaid tatua mokopomuká kon taḷá kon intau inta mokopoangoi kon hukuman kon inia. Akuoi naa in ki Tuhan, bo Akuoi in nopotusi kon sosumba tatua.”

IMAMAT 22:31

Ki Tuhan noguman, “Duduiaidon in parenta-Ku mita; Akuoi in ki Tuhan.

IMAMAT 22:33

Akuoi nodia kon i monimu iḻumuai nongkon Mesir, sinbá Akuoi in mobaḻí ki Allahmu. Akuoi in Tuhan.”

YESAYA 8:13

Toropdon kon Akuoi, ki Tuhan Inta Totok in mokawasa in motusi. Tongábí Akuoi in musti koondokmu.