IMAMAT 22:13 - Alkitab Singog In Mongondow Masa In Tanaa

¹³ Táe ki adí i imang inta nobaḻídon boba-bobay ande inta ain ginaat takin diá kogadí bo nobuidon mangoi kon baḷoi amánea poḷat domandon nobaḻí tanggungannea, yo motaaudon in sia mokaan kon silai i amánea. Tongábí motoḷuadí i imang in motaau mokaan kon sosumba tatua.

IMAMAT 22:13 Referans Kwoze

IMAMAT 10:14

Táe iko bo ki adímu mita ḷoḷaki bo bobay motaaubí in mokaan kon dodob in mahaḷuk inta nongkon sosumba inta sinonoi bo páa nongkon sosumba inta pinonangoi. Tuata in silai in imang mita nongkon kuruban dodamean in bangusa Israel. Motaaubí kaanon monimu intua kon bayongan tampat inta diá monajis.

KINOBAḺIAN 38:11

Noiduduimai kon tua ki Yohuda nogumandon kon i Tamar mototakanea tatua, “Pobuidon kon baḷoi in guyangamu bo pogutundon kon tua saḷaku mobobaḷu modapot in ki adíku ki Syela moitoidon.” Sia in noguman natua sin sia in moondok dikabo ki Syela gamáan domandon i Tuhan, ná ki guya-guyangnea doyowa. Dá nobuidon in ki Tamar kon baḷoi in guyanganea.

IḶUAIAN 29:33

Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

IMAMAT 22:10

Sosumba inta ain sinantú kon i-Nakó tongábí motoḷuadí i imang in motaau mokaan; intau ibanea in diábí motaau mokaan kon tua, umpakabí intau tatua nogutun tobaḷoian i imang tatua ande intau inta sinokotondanannea.

IMAMAT 22:12

Adí bobay in imang tobatú inta pinobuḷoi in ḷoḷaki tobatú inta deeman imang diábí motaau mokaan kon sosumba tatua.

IḶUAIAN 12:43

Ki Tuhan noguman kon i Musa bo kon i Harun, “Naadon in atorang Singgai Moḷoben kon Paska. Intau ango-angoi diá motaau mokaan kon tapú in domba inta pinosumba kon singgai in Paska.

ULANGAN 24:2

Onda intua bobay tatua pinobuḷoidon in ḷoḷaki ibanea.

SAMUEL 1 21:7

Noitongkaná, in ki Doëg intau in Edom, itoi in gombala in bobiagon i Saul kon tua in singgai tua sin momaḷut kon onu inta sinantú kon agama.)

EZRA 2:63

Gubernur in butá in Yohuda diá nobogoi kon i monia nokaan kon kaanon inta pinosumba kon i Allah, nodapot in oyúon in imang tobatú inta nopoigum in topotundú nomaké in Urim bo Tumim.

YEHEZKIEL 44:8

Deemanbí tongá mosia tontaní in mopobayá in upacara mita motusi kon bonu in Baḷoi-Ku, táe intau doman mita ango-angoi inta pinoki aidan monia intua.