IMAMAT 2:5 - Alkitab Singog In Mongondow Masa In Tanaa

⁵ Aka inta pinosumba tatua bo roti inta inangag kon tudu in pogogangagan, dá roti tatua musti pomiaan nongkon topong inta moaḷus takin ḷana zaitun, táe diá ragian.

IMAMAT 2:5 Referans Kwoze

IMAMAT 7:9

Pomuḷoi in kuruban oḷudon inta sinubá kon bonu in tampat pototubáan ande dinungú kon bonu in rumping ande inta inangag, tua in nobaḻí silai i imang inta noposumba.

IMAMAT 6:21

Topong tatua in mustibí poyobauion in ḷana, bodongka tubáan kon tudu in pogogangagan, onda intua ḷosi-ḷosion bo posumba mobaḻí kuruban oḷudon. Rongingi in kuruban tatua mokosanang kon gina i Tuhan.

IMAMAT 2:6

Roti inta pinosumba tatua musti ḷosi-ḷosion, bodongka popobutakan in ḷana zaitun.

IMAMAT 7:12

Aka kuruban tatua pinosumba takin makusud mopoyaput in sukur, dá poyotakinon in mahaḷuk tatua pokuruban in roti diá iragian. Roti tatua motaaubí inta mobunod nongkon topong pomiaan kukis takin ḷana in zaitun, motaaubí doman in roti noingkag monipit inta iḻepoan in ḷana, ande kukis topong inta pinomia pinoyotakin in ḷana zaitun.