IMAMAT 19:31 - Alkitab Singog In Mongondow Masa In Tanaa

³¹ Dika mayá moigum kon tonggina in boḻian mita inta umuran moḻibó kon dimukud in intau mita inta ain minatoi. Aka aidan monimu intua yo moiko in mobaḻí monajis. Akuoi in ki Tuhan Allahmu.

IMAMAT 19:31 Referans Kwoze

YESAYA 8:19

Táe intau mita in mopotabábí kon i monimu mopoigum in topotundú nongkon mongongundam mita inta gumombong bo inta mongumi-ngumit. Intau mita tatua in mogumanbí, “Patus aka degá in kita mopoigum in topotundú kon dimukud mita popisí in inta nobiagpa?”

IMAMAT 20:27

Bayongan intau ḷoḷaki ande bobay inta umuran mogoiní kon dimukud mita inta ain minatoi yo musti ara bo in batu modapot in matoi. Intau tatua in matoi popisí in oaidnea tatua.”

TAWARIKH 2 33:6

Ki adínea mita pinosumbanea nobaḻí kuruban payongon kon Ḷopá in Hinom. Sia in dinumudui doman nogaid kon pongonggaing, mopirisaya kon tundi mita, totaau, bo nopoigum in totundú mita kon dimukud mita. Totok in sia binaradosa kon i Tuhan dá nokopomuká kon torú i Tuhan.

TAWARIKH 1 10:13

Ki Saul in minatoi popisí in diá in sia mosatia kon i Tuhan, bo diá doman dinumudui kon parenta-Nea mita. Diábí in sia nopoigum in topotundú mita nongkon i Tuhan, táe nopoigumbí kon dimukud mita in intau mita inta ain minatoi. Tuamai in ki Tuhan nohukum kon inia bo noposarakan in tampat pomomarentaannea kon i Daud adí i Isai.

DATU MITA 2 21:6

Ki Adínea in pinosumbanea nobaḻí kuruban payongon. Ki Manasye in nomaké doman in mongonggaing, bo mododoyangow, ponggaing, bo mopoigum in totundú kon dimukud mita. Binaradosadon totok in sia kon i Tuhan noidapot in nokopomukádon kon torú-Nea.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

SAMUEL 1 28:3

Ki Samuel ain minatoi bo inombaḷan in sia in bayongan intau in Israel bo iḷobong kon Rama, kotánea tontaní. Bo ki Saul in nopoguntundon in bayongan mododoyangow bo doduataan inta nogutun kon Israel.

YESAYA 47:13

Iko in nororigadon popisí in nobayong in tonggina. Potabádon in mononoḻindap mita simindog moposaḷamat kon inimu; mosia inta ain nonaridi kon sinangkub in siup in ḷangit bo nobalajar kon kaadaan in tundi mita, bo kon pomuḷoi in buḷan mobagu monoḻindap kon onu inta mobaḻí ukurmu.

YESAYA 29:4

Yerusalem in nádon onda bo dimbuḷó inta moḷongasi mopodongog in singognea nongkon bonu in butá, singog inta mokayow nongkon bonu in ḷobud.

IḶUAIAN 22:18

Bayongan bobay inta mongonggaing musti ḻimodon.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

DATU MITA 2 17:17

Noposumba in mosia kon i adí monia nobaḻí kuruban payongon kon i dewa. Mosia in momaké in totaau bo mopoigum in topotundú nongkon mogogoiní kon dimukud mita. Totok in motoindudui in mosia in mogaid kon bayongan inta diá mokosanang kon gina i Tuhan

OUMAN IN RASUL MITA 8:11

Noonggotdon totok sia in momakémai in sihirnea, dá mopia totok gina in bayongan intau kon inia.

IMAMAT 19:26

Dika mokaan kon dugú. Dika momaké in totaau mita pongonggaing.

DATU MITA 2 23:24

Kon mopoaid in hukum mita inta pinais kon bonu in buk inta nouḻí i Imang Moḷoben ki Hilkia kon Baḷoi Tuhan, bayongan in mogogoiní kon dimukud bo mononoḻindap in pinoguntun i Datu Yosia nongkon Yerusalem bo nongkon bayongan in Yohuda, bo iḷumbúnea in bayongan dewa in tonibuḷoi, berhala, bo pakakat mita inta pinaké kon posumbaan kon dewa mita.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.