IMAMAT 17:6 - Alkitab Singog In Mongondow Masa In Tanaa

⁶ Ki imang in musti mopobutak in dugú in mahaḷuk tatua kon sí in mezbah kon tayowon ngara in ḷoḷaigan i Tuhan bodongka motubá kon ḷongónea sinbá mokosanang kon gina i Tuhan.

IMAMAT 17:6 Referans Kwoze

PINOGIAPAN 18:17

Táe sapi, domba bo bembé inta muna pinogadí, in diábí motaau tobuton. Bobiagon tatua in sinantú bidon kon i-Nakó bo musti pokuruban. Pobutak in dugúnea kon mezbah bo ḷongónea in tubádon mobaḻí kuruban. Ronginginea mokosanang kon gina-Ku.

IMAMAT 3:2

Intau inta moposumba intua musti mopoukat in ḻimanea kon tudu in biag tatua bodongka ratáannea kon tayowon ngara in Ḷoḷaigan i Tuhan. Imang mita buí i Harun musti mopobutak in dugú in sapi tatua kon sí opat in mezbah.

IMAMAT 4:31

Bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan in imang kon tudu in mezbah, sinbá ronginginea mokosanang kon gina i Tuhan. Natuata in pogogaid i imang moposumba in kuruban potobut kon dosa in intau biasa tobatú, dá intau tatua in ampungan i Tuhan.

IMAMAT 3:16

Imang inta mogaid kon oaidannea musti motubá kon tua mita kon tudu in mezbah. Rongingi in kokaanon tatua mokosanang kon gina i Tuhan. Bayongan ḷongó in mahaḷuk tatua ogoi posumba kon i Tuhan.

IMAMAT 3:13

Kon tua sia musti mopoukat in ḻimanea kon uḷu in bembé tatua bo dongka ratáannea kon tayowon in Ḷoḷaigan. Imang musti mopobutak in dugú in biag tatua kon sí opat in mezbah tatua.

IMAMAT 3:11

Ki imang inta mogaid kon oaidannea musti motubá kon tua mita kon tudu in mezbah sin mobaḻí kuruban kokaanon kon i Tuhan.

IMAMAT 3:8

Kon tua in sia bo musti mopoukat in ḻimanea kon uḷu in domba tatua bodongka ratáannea kon tayowon in Ḷoḷaigan. Bo imang musti mopobutak in dugú in domba tatua kon sí opat in mezbah.

IMAMAT 3:5

Tua komintan poyotakinon in kuruban mita tubáan ibanea, musti tubáan kon tudu in mezbah. Rongingi in kuruban kokaanon tatua mokosanang kon gina i Tuhan.

IḶUAIAN 29:18

Poposumbadon in bayongan domba koḷakian tatua kon tudu in mezbah mobaḻí kuruban inta sinubá. Rongingi in kuruban tatua mokosanang kon gina-Ku.

IḶUAIAN 29:13

Mopaḷut mako kon tua gamádon in bayongan ḷongónea inta noikoḷob kon bonu in siannea, bo inta totok in mopia nongkon podilat bo kombiloinea takin ḷongónea bo ukatdon intua komintan kon tudu in mezbah bo tubádon mobaḻí sosumba kon i-Nakó.

IMAMAT 17:5

Makusud in parenta tanaa in bá bangusa Israel modia mopoangoi kon Ḷoḷaigan i Tuhan in bayongan mahaḷuk inta baḻíon sosumba monia inta biasamai ratáan monia kon gobá. Mosia in mustibí modia kon sosumba monia tatua kon i imang kon tayowon ngara in Ḷoḷaigan i Tuhan bo ratáan kon tua mobaḻí kuruban dodamean.

YEHEZKIEL 44:15

Ki Tuhan Inta Totok in moḷantud in noguman, “Kon tungkuḷ in bangusa in Israel nonaḷámai kon i-Nakó, imang mita in Lewi nongkon buí i Zadok in tantúbí notoindudui in nogundoi kon i-Nakó kon Baḷoi-Ku. Tuamai in mosiadon in tanaa in musti mogundoi kon i-Nakó bo mamangoi kon tayowon-Ku sin moposumba in ḷongó bo dugú in kuruban mita.