IMAMAT 16:6 - Alkitab Singog In Mongondow Masa In Tanaa

⁶ Ki Harun musti moposumba in sapi koḷakian tobatú mobaḻí kuruban potobut kon dosa kon inia bo kon tombonu in baḷoinea.

IMAMAT 16:6 Referans Kwoze

IBRANI 9:7

Bo inta motaau tumuot kon yuang inta totok in moako tua in tongábí imang inta totok moḷoben. Sia in tumuot mogaid kon oaidannea, komintan in totaong. Sia in tumuot kon tampat tatua takin kodia-dia in dugú inta posumba kon i Allah saḷaku sosumba inta potobutnea kon dosanea tontaní bo dosa mita in umat i Allah inta diá sinuod pinomia.

IMAMAT 9:7

Nopaḷut mako kon tua sia noguman kon i Harun, “Bayádon kon mezbah bo sadiadon in kuruban potobut kon dosa bo kuruban tubáan, sinbá dosamu bo dosa in umat ampungandon i Tuhan. Aidaidon intua ná inta ain pinoki aid i Tuhan.”

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.

YEHEZKIEL 43:27

Naonda in mopaḷut in pitu nosinggai tatua, imang mita in musti momangkoidon moposumba kon tudu in mezbah tatua in kuruban payongon bo kuruban podamean kon umat. Dá mopiadon in gina-Ku kon i monimu komintan. Akuoi, ki Tuhan Inta Totok in moḷantud ain nosingog.”

YEHEZKIEL 43:19

Tongábí imang buí i Zadok nongkon suku Lewi in motaau mamangoi in tayowon-Ku sin mopobayá in oaidan pogundoian. Akuoi, ki Tuhan Inta Totok in moḷantud in nomarenta nokiaid intua. Ogoidon kon i monia in sapi koḷakian tobatú inta batáneapa sin pokuruban potobut kon dosa.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.

IMAMAT 16:3

Ki Harun motaau tumuot kon bonu in Yuang Totok Motusi aka sia moposumba in sapi koḷakian batánea mobaḻí kuruban potobut kon dosa bo domba koḷakian tobatú baḻíon kuruban tubáan.”

IMAMAT 16:7

Bembé koḷakian doyowa inta dinia in umat Israel musti diaan kon tayowon ngara in Ḷoḷaigan i Tuhan.