IMAMAT 16:33 - Alkitab Singog In Mongondow Masa In Tanaa

³³ bo momia kon upacara pondaritan kon Yuang Totok Motusi, tampat mita ibanea nongkon Ḷoḷaigan i Tuhan, mezbah, imang mita bo bayongan umat Israel.

IMAMAT 16:33 Referans Kwoze

IMAMAT 16:16

Natuata in pogogaid aka mondarit kon Yuang Totok Motusi nongkon kinonajisan in bangusa Israel bo bayongan dosa monia. Ḷoḷaigan i Tuhan musti daritan sin noitoyuak kon ḷoḷaigan in bangusa Israel bo kinotugatan in kinonajisan monia.

IMAMAT 16:24

Bo sia musti moinggú kon tampat tobatú inta ain sinantú bo moḷutúdon bui kon pakeangnea tontaní. Mopaḷut mako kon tua sia musti ḷumuai bo moposumba in kuruban tubáan sin pongampung kon dosanea tontaní bo dosa in bangusa Israel.

IMAMAT 16:6

Ki Harun musti moposumba in sapi koḷakian tobatú mobaḻí kuruban potobut kon dosa kon inia bo kon tombonu in baḷoinea.

IMAMAT 16:11

Naonda in ki Harun moposumba bo moratá kon sapi koḷakian inta nobaḻí kuruban potobut kon dosanea bo tombonu in baḷoinea,

YEHEZKIEL 45:18

Ki Tuhan Inta Totok in moḷantud in noguman kon umat-Nea, “Kon singgai imitánea kon buḷan imitánea doman, moiko in mustibí mopotusi in Baḷoi-Ku takin moposumba in sapi koḷakian batánea tobatú inta diá in bogitnea.

IMAMAT 23:28

Dikapa mogaid, sin singgai tatua in singgaibí potobutan kon dosa, sinbá dosa monimu ampungandon kon tayowon i Tuhan Allahmu.