IMAMAT 16:24 - Alkitab Singog In Mongondow Masa In Tanaa

²⁴ Bo sia musti moinggú kon tampat tobatú inta ain sinantú bo moḷutúdon bui kon pakeangnea tontaní. Mopaḷut mako kon tua sia musti ḷumuai bo moposumba in kuruban tubáan sin pongampung kon dosanea tontaní bo dosa in bangusa Israel.

IMAMAT 16:24 Referans Kwoze

IBRANI 9:10

Sin upacara mita tatua in tongábí soaḷ kokaanon bo oinumon bo noyagi-yagimaidon upacara pondaritan. Bayongan intua tongábí atorang mita in intau inta pakéon modapot wakutunea ki Allah monoimbagu kon dunia naa.

IMAMAT 22:6

Imang tobatú inta ain nobaḻí nonajis popisí in kinotugatan tatua, sia in umuran monajis modapot kon mata in singgai tumoyop. Bo naonda mata in singgai tumoyop sia in diápabí motaau mokaan kon kaanon inta pinosumba kon i Tuhan aka diápa muna moinggú in sia.

IMAMAT 14:9

Kon singgai noginpitu sia musti mokigonsing in buok, kumi, koibing bo bayongan bubuḷ inta kon awaknea. Bo sia musti momatá kon pakeangnea bo moinggú. Bain mopaḷut mako kon tua sia modaritdon.

IḶUAIAN 28:40

Ki adí mita i Harun in pomiaai domandon kon ḷambung, baan bo suruban sinbá mosia mokobangkaḷ in koontongan.

IḶUAIAN 28:41

Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IMAMAT 16:25

Ḷongó in mahaḷuk inta pokuruban potobut kon dosa musti tubáan kon mezbah.

IMAMAT 9:7

Nopaḷut mako kon tua sia noguman kon i Harun, “Bayádon kon mezbah bo sadiadon in kuruban potobut kon dosa bo kuruban tubáan, sinbá dosamu bo dosa in umat ampungandon i Tuhan. Aidaidon intua ná inta ain pinoki aid i Tuhan.”

YEHEZKIEL 42:14

Aka imang mita mopaḷutdon mopobayá in oaidan kon Baḷoi Tuhan, bo moibog mayá in dangkuḷon kon dotá in ḷuai, dá pakeang inta ain sinantú pakéon kon dodai in mogundoi yo musti taḷaan monia kon gopot mita tatua. Mosia in mustibí momaké in ḷambung ibanea, bain tua bo motaau in mosia mayá in tampat inta pinoyosipunan in rayat.”