IMAMAT 15:25 - Alkitab Singog In Mongondow Masa In Tanaa

²⁵ Aka bobay tobatú toḷogan in dugú kon dodai in sia deemanpabí angoionnea, ande nopaḷutdon in wakutu inangoinea táe diápa doman mogogai in dugú ḷumuai, dá sia in nonajispabí ná kon dodai in sia inangoinea.

IMAMAT 15:25 Referans Kwoze

LUKAS 8:43

Bo kon sigad in intau moantó tatua, oyúon in tobatú bobay inta aindon mopuḷú bodoyowá notaong notakit sinoḷoganmai in dugú, bo diá tobatúmai in mokopia kon takitnea tatua.

MARKUS 5:25

Kon sigad monia tua oyúon doman in tobatú bobay inta ain mopuḷú bodoyowá notaong notakit toḷoganmai in dugú aka angoionnea.

MATIUS 9:20

Kon dodai intua oyúon doman tobatú bobay inta aindon mopuḷú bodoyowá notaong koonggotnea notakit toḷoganmai in dugú, sia moḷongasi totok dimiug kon i Yesus nongkon tumi sin mokadai kon ubung in jubah-Nea. Sin nanaa in kon raiannea: “Umpakabí tongá koḻiaianku in jubah-Nea, yo mopiabí in akuoi.” Bo iḻiainea in popod in jubah i Yesus.

IMAMAT 15:26

Tampat inta pinosiugan ande iḻitúannea kon dodai in kaadaannea natua yo mobaḻí monajis.