IMAMAT 14:57 - Alkitab Singog In Mongondow Masa In Tanaa

⁵⁷ Atorang mita tatua mangaḻenea monantú mongo barang tobatú ande intau nodarit mongo diá.

IMAMAT 14:57 Referans Kwoze

IMAMAT 10:10

Moiko in mustibí motaau mopoyoposi kon inta sinantú kon i Allah bo inta diá sinantú, inta nonajis bo inta diá nonajis.

YEHEZKIEL 44:23

Imang mita in mustibí motundú kon umat-Ku sinbá kotaauan monia in mopoyoposi kon onda inta ain sinantú kon i-Nakó bo onda in deeman, onda inta nodarit podudui in agama bo onda inta nonajis.

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

ULANGAN 24:8

Aka oyúon takit in kuḻit inta mokobahaya, yo aidaidon kopira in onu inta pinarenta in imang mita Lewi kon inimu; duduiaidon in topotundú mita inta pinotaauku kon i monia.

IMAMAT 15:1

Ki Tuhan nobogoi kon i Musa in atorang mita tanaa

IMAMAT 13:59

Natuata in atorang kon ponopadan inta kon pakeang ande nongkon kaeng linen ande wol, ande kon onukabí inta pinomia nongkon kuḻit.