IMAMAT 14:18 - Alkitab Singog In Mongondow Masa In Tanaa

¹⁸ Ki agat in ḷana tatua musti pobutak kon uḷu in intau tatua. Natuata in pogogaid i imang kon upacara pondaritan kon intau tatua kon tayowon i Tuhan.

IMAMAT 14:18 Referans Kwoze

IMAMAT 4:26

Onda intua bayongan ḷongó in mahaḷuk tatua musti tubáan kon tudu in mezbah, ná kuruban dodamean. Natuata in pogogaid i imang kon moposumba in kuruban in tobatú bobato, dá intau tatua in ampungan i Tuhan.

IMAMAT 8:12

Nopaḷut mako kon tua ki Musa nomaḻídon imang kon i Harun takin nopobutak in ḷana upacara topiḻik kon uḷu i Harun.

IMAMAT 5:16

Intau tatua musti moguboḻi kon onu inta koḻipod kinoḻiongannea, bo dugangan in doyowa nopuḷú noporsen. Onda intua sia in musti mobogoi in mahaḷuk tatua kon i imang, bo ki imang in mopokuruban intua mobaḻí tobutan in dosa intau tatua, dá intau tatua ampungandon i Tuhan.

IMAMAT 4:31

Bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan in imang kon tudu in mezbah, sinbá ronginginea mokosanang kon gina i Tuhan. Natuata in pogogaid i imang moposumba in kuruban potobut kon dosa in intau biasa tobatú, dá intau tatua in ampungan i Tuhan.

IḶUAIAN 29:7

Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

IMAMAT 14:17

Bo ḷana topiḻik inta kon ḻimanea musti poḻeponea kon tampat mita inta ain iḻepoannea in dugú, inta kon bongoḷan koḷanan, kon ki iná in ḻima koḷanan, bo ki iná in sioḷ koḷanan in intau inta poniata kon modarit.

PINOGIAPAN 15:28

Imang musti momia kon upacara potobutan kon dosa kon tayowon i Tuhan, sinbá intau tatua ampungan in dosanea.

IMAMAT 4:20

Aidan naonda bo pogogaid kon sosumba sapi koḷakian inta nobaḻí kuruban pongampung kon dosa. Natuata in pogogaid in Imang Moḷoben moposumba in kuruban sin potobut kon dosa mita in umat, dá dosa mita tatua in ampungandon i Tuhan.

IMAMAT 4:35

Onda intua bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan kon tudu in mezbah, poyotakinon in kuruban kaanon inta posumba kon i Tuhan. Natua in pogogaid i imang kon moposumba in kuruban potobut kon dosa in intau tatua, dá sia in ampungan i Tuhan.

IMAMAT 15:15

Ki imang musti moposumba in ḷagapan tobatú mobaḻí kuruban potobut kon dosa, bo inta tobatú in baḻíon kuruban tubáan. Natuata in pogogaid i imang kon upacara pondaritan kon intau tatua kon tayowon i Tuhan.