IMAMAT 13:23 - Alkitab Singog In Mongondow Masa In Tanaa

²³ Táe aka oḷaap tatua diábí mobaḷui bo diá doman moiḻekep, tua in tongábí kabang in bituḷ, dá intau tatua in poniatadon kon nodarit.

IMAMAT 13:23 Referans Kwoze

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.

KORINTUS 2 2:7

Musti ampungan monimu in taḷánea tatua bo tongginaai, sinbá diádon totok moyoyiga in ginanea sahingga kobuḻiandon harapan in sia.

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

SAMUEL 2 12:13

Bo noguman in ki Daud kon i Natan, “Binaradosadon in akuoi kon i Tuhan.” Tubag i Natan, “Ki Tuhan in nongampungdon kon i Tuang; dá ki Tuang in diábí matoi.

KINOBAḺIAN 38:26

Kinotaauan i Yohuda in barang mita tatua bo sia in noguman, “Bobay tatua diábí kotaḷá. Diádon inaidanku in onu inta patus aidanku kon inia; sabanarnea sia in mustibí popobuḷoiku kon i adíku ki Syela.” Bo ki Yohuda diá bidon dodai onda nosiug takin bobay tatua.

IMAMAT 13:22

Aka oḷaap nobudó tatua bo moiḻekepdon, dá ki imang musti moponiata kon intau tatua nonajis sin kinotugatandon in panyaki kuḻit inta mokobahaya.

IMAMAT 13:24

Aka intau tobatú nokouḻí kon kekeb noḷontup, bo kuḻit kon kekeb tatua nobaḻídon nobudó ande nobudó noḻin puya-puya,

IMAMAT 13:26

Táe aka poyuntung kon kuḻit tatua diá nobaḻí nobudó bo diá doman nokuriong, tongábí noḻin guod in batangannea, dá intau tatua musti potontaní kon bonu in pitu nosinggai.