IMAMAT 11:46 - Alkitab Singog In Mongondow Masa In Tanaa

⁴⁶ Tuata in nobaḻí atorang soaḷ mahaḷuk takin doman ḷagapan, mahaḷuk inta nobiag kon bonu in tubig bo inta maya-mayá mako kon tudu in butá naa.

IMAMAT 11:46 Referans Kwoze

YEHEZKIEL 43:12

Naa in sipat totokan in Baḷoi Tuhan: Bayongan in butá kon diugnea kon tudu in buḷud in totok in motusi.”

IMAMAT 15:32

Natuata in atorang mita soaḷ intau ḷoḷaki inta ḷuaian in ḷumoḷayat popisí in panyakinea kon dodiaan ande ḷuaian in buḻe,

IMAMAT 14:54

Tuata in atorang mita soaḷ panyaki kuḻit inta mokobahaya,

IMAMAT 7:37

Natuata in atorang mita pogogaid kon kuruban inta tubáan, kuruban oḷudon, kuruban potobut kon dosa, kuruban toḻiu in karugian, kuruban ponabisan bo kuruban dodamean.

KINOBAḺIAN 1:20

Onda intua ki Allah in noguman, “Koibog-Ku kon bonu in tubig mobiag in moyagi-yagimai in mahaḷuk, bo kon toḷungayá mobarong in ḷagapan inta noḷayu-ḷayugan.”

KINOBAḺIAN 1:21

Dá ki Allah in nomaḻí kon mahaḷuk mita mongoḷoben kon bonu in dagat, bo noyagi-yagimai in mahaḷuk inta nobiag kon bonu in tubig, takin noyagi-yagimai in ḷagapan. Bo nopia in gina i Allah in nokoontong kon tua.

IMAMAT 11:45

Akuoi naa in ki Tuhan inta nodia kon i monimu iḻumuai nongkon Mesir, sinbá Akuoi mobaḻí ki Allahmu. Moiko musti motusi, sin Akuoi naa in motusi.

IMAMAT 11:47

Moiko in musti motaau mopoyoposi inta modarit bo inta nonajis, kon sigad in mahaḷuk inta motaau kaanon bo mahaḷuk inta diá motaau kaanon.