IMAMAT 11:44 - Alkitab Singog In Mongondow Masa In Tanaa

⁴⁴ Akuoi naa in ki Tuhan Allahmu, tuamai ḷukadaidon sinbá moiko umuran motusi, sin akuoi naa in motusi.

IMAMAT 11:44 Referans Kwoze

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IMAMAT 19:2

mopotaau kon bangusa Israel in parenta tanaa, “Moiko in musti motusi, sin Akuoi ki Tuhan Allahmu in motusi.

IMAMAT 20:7

Ḷukadai sinbá moiko umuran motusi, sin Akuoi in ki Tuhan Allahmu.

TESALONIKA 1 4:7

Inoiní i Allah in kita, deemanbí mogaid kon inta moraat, táe mogaidbí kon onu inta mokosanang kon gina-Nea.

IMAMAT 20:26

Moiko pinotondí-Ku nongkon bangusa mita ibanea sinbá mobaḻí kapunyaan-Ku. Moiko in musti motusi sin Akuoi in ki Tuhan, bo Akuoi in motusi.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

ULANGAN 14:2

Moiko nion in kapunyaan i Tuhan Allahmu; nongkon bayongan in bangusa kon dunia naa, moikobí nion inta piniḻí i Allah nobaḻí umat-Nea.”

WAHYU 22:11

Intau inta moraat, pomayádon mako in umuran mogaid kon moraat; intau inta monajis, pomayádon mako in mokoponajis kon awaknea tontaní; intau inta dinumudui kon ibog i Allah, bo intau inta kobiagannea in tongádon mogaid kon kopontingan i Allah, yo pomayádon mako in sia tongá mogaid kon natua kon i Allah.”

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

MAZMUR 99:5

Poḷantudon in ki Tuhan Allah naton, dokódon kon tayowon in pomomarentaan-Nea. Mokudusbí in Sia!

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

IḶUAIAN 23:25

Aka moiko mosumba kon i-Nakó, ki Tuhan Allahmu, moiko in barakatan-Ku takin mobogoi kon i monimu in kaanon bo inumon, bo bayongan yampoi poyayú-Ku kon inimu.

IḶUAIAN 19:6

bo sinondí-Ku kon i-Nakó tontaní, bo moiko in mobantung kon i-Nakó mobaḻí imang mita.”

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

SAMUEL 1 6:20

Bo intau mita in Bet-Semes noguman, “Ki inebí in mokotahang kon tayowon i Tuhan, Allah Inta Motusi tua? Kon onda in pogatodan naton kon poti tatua sinbá moiyayú kon i naton?”

IMAMAT 11:43

Dika moponajis in awakmu takin mokaan kon mahaḷuk natua.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

AMOS 3:3

Degá oyúon in intau doyowa in mayá moyotakin táe diá moyosingog muna?

YESAYA 51:15

Sin Akuoibí in ki Tuhan Allahmu, inta nopoḻimbok in dagat dá bokoḷnea in motorauk mako. Inta Totok in mokawasa tuata in tangoi-Ku.

IḶUAIAN 16:12

“Akuoi ain nokodongog kon gomong-gomot in intau Israel. Pogumandon kon i monia: kon ḷoḷabungnea mosia in mokaanbí kon ponoyá, bo doḷo-doḷom mosia mokaan kon roti modapot in mobotug. Dá kotaauandon monia kon Akuoibí in ki Tuhan, ki Allah monia.”

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

IḶUAIAN 22:31

Moiko in umat-Ku, tuamai mahaḷuk onukadon in dinomok in mahaḷuk ibanea inta mokokaan kon tumpaḷa mahaḷuk, yo diábí motaau kaanon monimu in tapúnea; ogoidon intua kon ungkú mita.”

IMAMAT 18:2

mopotaau kon bangusa Israel in parenta tanaa, “Akuoi naa in ki Tuhan Allahmu.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

PINOGIAPAN 15:40

Ḷambe-ḷambé mita tatua in moponoropdon kon i monimu kon dumudui kon bayongan parenta-Ku, dá moiko in totu-totuu mobaḻí umat-Ku.

IḶUAIAN 22:30

ná doman tua in sapi bo domba koḷakian inta muna pinogadí. Pomayádon mako in mahaḷuk mita tatua takinpa ki inánea kon bonu in pitu nosinggai koonggotnea, bodongka posarakandon kon i-Nakó kon singgai noginwaḷu.

IMAMAT 19:4

Dika mosumba kon toḻindua i Tuhan. Dika momia kon patong nongkon logam bo sumbáan monimu. Akuoi in ki Tuhan Allahmu.

IMAMAT 19:10

Dika mobui mayá in gobá in anggurmu sin mosipú bui kon bungai in anggur inta kinotaḷáan naonda in moiko nopaḷutdon nosipú muna. Ná doman tua bungainea mita inta ain noḷabú dikadon puyuton monimu. Pomayádon mako intua gamáan in intau mita nongobogá bo intau ango-angoi. Akuoi naa in ki Tuhan Allahmu.

YOSUA 24:19

Bo ki Yosua noguman, “Táe moiko in dikabo diá mokosanggup mogundoi kon i Tuhan, sin Sia tua in ki Allah inta mokudus, bo tongábí Sia in ki Tuhan. Sia in doíbí toḻinduaan. Aka moiko monaḷámai kon i-Nia bo mogundoi kon ilah mita ibanea, diá bidon ampungan-Nea in dosamu, sedang bo ḷawangon bo hukumon-Neabí in moiko. Yompaton-Neabí in moiko, umpakabí koḻipod in mopia in Sia kon inimu.”

SAMUEL 1 2:2

Diábí inta motusi ná ki Tuhan! Tongábí Sia in pononiungan.