IMAMAT 10:6 - Alkitab Singog In Mongondow Masa In Tanaa

⁶ Bo ki Musa in noguman kon i Harun bo kon i adínea mita ibanea, inta ki Eleazer bo ki Itamar, “Dika mokuyang in gina monimu popisí in kinopatoian tatua. Aka moiko momia kon natua, yo matoi doman, bo bayongan umat Israel torúan i Tuhan. Táe bayongan intau Israel ibanea in motaaubí in mogi morondí sin kinopatoian intau doyowa tatua inta popisí in tuḷú nongkon i Tuhan.

IMAMAT 10:6 Referans Kwoze

YOSUA 22:18

Bo tanaa, degá moibogdon bui in moiko monoḻikud kon i Tuhan? Aka singgai naa moiko moibog moḷawang kon i Tuhan, yo ikoḷom in Sia tumorúdon kon bayongan umat in Israel.

YOSUA 7:1

Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

PINOGIAPAN 1:53

Táe intau in Lewi musti mogaid kon ḷoḷaigan monia poḻibu kon Ḷoḷaigan-Ku. Musti ḷukadan monia sinbá diá in dimiug kon tua, sinbá Akuoi in diá tumorú bo mohukum kon umat Israel.”

SAMUEL 2 24:1

Ki Tuhan in sinumorú bui kon Israel, bo ki Daud in dinondouḷugan-Nea sin makusud mopoangoi in roriga kon bangusa tatua. Guman i Tuhan kon inia, “Iapdon in intau kon Israel bo Yohuda.”

YOSUA 22:20

Torop, in ki Akhan ki adí i Zerah in doí dinumudui kon parenta i Tuhan soaḷ pakakat mita inta musti ḷoḷangon, bo onu in nobaḻí? Bayongan umat in Israel i hukum! Bokaka inta dinosa in tongábí ki Akhan, táe inta minatoi in deemanbí tongá sia-sia mita!”

IMAMAT 13:45

Intau tobatú inta kinotugatan in panyaki kuḻit inta mokobahaya, musti mogiḷambung in ḷambung inta mobera-berak bo pomayáneadon mako in buoknea mobuyum-buyun. Sia musti mogoḻingoi kon pogotnea bo momaḷú: “Najis! Najis!”

PINOGIAPAN 18:5

Tongá iko, Harun, bo adímu mita in musti mopobayá in oaidan kon bonu in Yuang Motusi bo mezbah, sinbá diádon in Akuoi tumorú bui kon bangusa Israel.

MIKHA 1:16

Ei intau in Yohuda, gonsingaidon in buokmu mobaḻí tomponuot kon pinonogumatoian kon adí mita monimu inta kinotabi monimu. Karugaidon in uḷumu modapot in moḷogat naonda bo ḷagapan mokokaan kon mahaḷuk minatoi, sin ki adí mita monimu in akuton kon poḷumbúan.

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

YOSUA 7:11

Intau in Israel nogaidon kon dosa. Akuoi ain nomarenta sinbá mosia mokopotoindudui kon dodandian-Ku takin i monia, táe iḻimpatan monia intua! Barang mita inta musti payongon aindon ginamá monia. Mosia nonakow bo binuni monia kon sigad in pakakat mita monia sinbá diá kotaauan.

ULANGAN 33:9

Mosia in mosatia kon ini-Mu noiḻiu kon ibanea mako, noiḻiu kon guyanga bo ginaḷum motoḷuadí. Parenta-Mu mita in dinuduian monia, dodandian-Mu in inintompodan monia.

PINOGIAPAN 14:6

Ki Yosua adí i Nun bo ki Kaleb adí i Yepune, inta noitakin minayá nonaridi kon butá tatua, nomerak kon ḷambung monia nobaḻí tomponuot in manasaḷ.

PINOGIAPAN 5:18

Onda intua buok in bobay tatua daitonnea taidon poonag, bo pokikadaian in topong inta nobaḻí sosumba pinopoiyanan, bo ki imang tatua musti doman mokadai kon tubig mopait inta mokopoangoi kon butung.

IḶUAIAN 6:23

Ki Korah kogadí kon adí ḷoḷaki toḷu: ki Asir, ki Elkana bo ki Abiasap. Mosia tua in mogoguyang nai Korah.

PINOGIAPAN 20:25

Diadon in ki Harun bo ki Eleazar, adínea, motakod kon Buḷud in Hor.

EZRA 7:5

Ki Abisua Ki Pinehas Ki Eleazar Ki Imang Moḷoben ki Harun